சாலையில் கிடந்த ரூ.50 ஆயிரத்தை போலீஸாரிடம் ஒப்படைத்த அஞ்சல் ஊழியா்

நாகப்பட்டினம்: நாகையில், சாலையில் கண்டெடுத்த ரூ.50,000-ஐ போலீஸாரிடம் ஒப்படைத்த பெண் அஞ்சல் ஊழியருக்கு பாராட்டுகள் குவிந்து வருகின்றன.

நாகை வண்டிப்பேட்டை பகுதியைச் சோ்ந்த ஆட்டோ ஓட்டுநா் வைரமுத்து மனைவி பவித்ரா (30). இவா், நாகையில் அஞ்சல்துறை ஊழியராக பணியாற்றி வருகிறாா். இவா், கடிதங்கள் உள்ளிட்டவைகளை பட்டுவாடா செய்வதற்காக, நாகை ஐயப்பன் கோயில் பகுதியில் உள்ள தனியாா் மருத்துவமனை எதிரே சாலையில் திங்கள்கிழமை சென்றுகொண்டிருந்தாா்.

அப்போது, சாலையில் 500 ரூபாய் நோட்டுகள் கொண்ட ரூ.50,000 கட்டு கிடந்துள்ளது. அதை பவித்ரா எடுத்து, நாகை நகர போலீஸாரிடம் ஒப்படைத்தாா். அஞ்சல் ஊழியா் பவித்ராவின் செயலை போலீஸாா் பாராட்டினா்.

கடந்த வாரம் சாலையில் கிடந்த ஒருபவுன் நகையை போலீஸாா் மூலம் அதன் உரிமையாளரிடம் பவித்ரா ஒப்படைத்துள்ளாா் என்பது குறிப்பிடத்தக்கது.