காரைக்காலில் நிதி நிறுவனம் நடத்திரூ. 22 கோடி மோசடி: 6 போ் கைது

காரைக்காலில் நிதி நிறுவனம் நடத்தி, பொதுமக்களிடம் ரூ. 22 கோடி அளவுக்கு மோசடி செய்த புகாரில், 6 பேரை போலீஸாா் வியாயழக்கிழமை கைது செய்தனா்.

புதுச்சேரி சுல்தான்பேட்டை பகுதியை சோ்ந்தவா் முகமதுஅலி (40). இவா் காரைக்காலில் கடந்த 2012-ஆம் ஆண்டு ரியல் ட்ரீம்ஸ் அக்ரோ லிமிடெட் என்ற பெயரில் நிதி நிறுவனத்தை தொடங்கினாா். இந்த நிறுவனத்தின் இயக்குநா்களாக 6 போ் செயல்பட்டு வந்தனா்.

இந்த நிறுவனத்தில் ரூ. 500-க்கு மேல் தொகை செலுத்தினால் ஒரு சில ஆண்டுகளில் பன்மடங்கு லாபம் கிடைக்கும் என முகவா்கள் மூலம் விளம்பரம் செய்து, 5 ஆயிரத்திற்கும் மேற்பட்ட பொதுமக்களிடமிருந்து பணம் வசூலித்துள்ளனா்.

ஒரு சில ஆண்டுகள் பொதுமக்கள் செலுத்திய தொகைக்கு உரிய தொகையை முறையாக திருப்பிக் கொடுத்துள்ளனா். இதை நம்பி பொதுமக்கள் ஆயிரக்கணக்கில் பணம் செலுத்தியுள்ளனா்.

இந்நிலையில், கடந்த ஓராண்டுக்கு முன் இந்த நிறுவனம் மூடப்பட்டது. நிறுவனத்தின் இயக்குநா்களை பொதுமக்கள் தொடா்புகொண்டபோது உரிய பதில் கிடைக்கவில்லையாம்.

இதையடுத்து, நெடுங்காடு பகுதியை சோ்ந்த குழந்தைதெரசா உள்ளிட்ட சிலா், காரைக்கால் நகர காவல்நிலையத்தில் புகாா் அளித்தனா். புகாரில்

ரூ. 22 கோடி அளவுக்கு பொதுமக்களின் பணம் மோசடி செய்யப்பட்டுள்ளதாக தெரிவிக்கப்பட்டது.

இதுகுறித்து வழக்குப் பதிவு செய்த போலீஸாா், நிறுவனத்தின் இயக்குநா்களாக இருந்த காரைக்கால் பகுதி கீழநெடுங்காடு கலியபெருமாள் (43), நாகூா் கோவிந்தராஜ் (34), வரிச்சிக்குடி ராஜமூா்த்தி (65), காரைக்கால்மேடு பழனிவேல் (50), நன்னிலம் கனகராஜ் (42), அக்கரைப்பேட்டை ஆறுமுகம் (49) ஆகிய 6 பேரையும் வியாழக்கிழமை கைது செய்து, அவா்களிடம் விசாரணை மேற்கொண்டனா்.

இதில் பொதுமக்களிடம் பணம் பெற்றுக்கொண்டு மோசடியில் ஈடுபட்ட நிறுவனத்தின் மேலாண் இயக்குநா் முகமது அலி பிரான்ஸ் நாட்டுக்கு தப்பிச் சென்றுவிட்டது தெரியவந்தது.

கைது செய்யப்பட்ட 6 போ் பயன்படுத்திய கணினி உள்ளிட்ட பொருள்களை பறிமுதல் செய்த போலீஸாா் அவா்களை, காரைக்கால் நீதிமன்றத்தில் நீதிபதி செந்தமிழ்ச்செல்வன் முன்பு வியாழக்கிழமை ஆஜா்படுத்தினா். நீதிபதி, 6 பேரையும் 15 நாள் நீதிமன்றக் காவலில் வைக்க உத்தரவிட்டாா்.