Enable Javscript for better performance
கரோனா அச்சுறுத்தல்: திருநள்ளாறு கோயிலில் சிறப்பு வழிபாடு நடத்த முதல்வா் உத்தரவிடக் கோரிக்கை- Dinamani

சுடச்சுட

    

    கரோனா அச்சுறுத்தல்: திருநள்ளாறு கோயிலில் சிறப்பு வழிபாடு நடத்த முதல்வா் உத்தரவிடக் கோரிக்கை

    By DIN  |   Published on : 05th April 2020 06:36 AM  |   அ+அ அ-   |    |  

    kk04tn_0404chn_95_5

    திருநள்ளாறு கோயில் ராஜகோபுரம்.

     

    கரோனா அச்சுறுத்தல் நீங்க வேண்டி, தமிழகத்தில் உள்ள வழிபாட்டுத் தலங்களில் ஹோமம் உள்ளிட்ட சிறப்பு வழிபாடுகள் நடத்தப்படுவதுபோல், திருநள்ளாறு கோயிலிலும் சிறப்பு வழிபாடு நடத்த புதுச்சேரி முதல்வா் உத்தரவிட வேண்டும் எனக் கோரிக்கைவிடுக்கப்பட்டுள்ளது.

    தமிழகத்தில் அம்மாநில அரசின் அனுமதியின்பேரில், பிரசித்திப் பெற்ற சில கோயில்களில் கரோனா அச்சுறுத்தல் நீங்க வேண்டி ஹோமம், அபிஷேகம் உள்ளிட்ட சிறப்பு வழிபாடுகள் நடத்தப்படுகின்றன. இதேபோல், புதுச்சேரி மாநிலத்தில் உள்ள பிரசித்திப் பெற்ற கோயில்களிலும் சிறப்பு வழிபாடு நடத்த பக்தா்கள் கோரிக்கை விடுத்துள்ளனா்.

    இதுகுறித்து காரைக்கால் பகுதியைச் சோ்ந்தவா்கள் கூறியது: கரோனா வைரஸ் தொற்றை கட்டுப்படுத்த மருந்துகள் இல்லை என்ற நிலையில், தனித்திருப்பதே தீா்வாக அமையும்.

    கரோனா அச்சுறுத்தல் நீங்க வேண்டி, தமிழகத்தில் உள்ள வழிபாட்டுத் தலங்களில் ஹோமம் உள்ளிட்ட சிறப்பு வழிபாடுகள் நடத்தப்படுவதுபோல், காரைக்கால் மாவட்டத்தில் உள்ள பிரசித்திப் பெற்ற கோயில்களில், சிறப்பு ஹோமம் உள்ளிட்ட வழிபாடுகள் நடத்தப்பட வேண்டும் என்பதே எங்கள் விருப்பம்.

    திருநள்ளாறு ஸ்ரீ தா்பாரண்யேசுவரா் கோயிலில் அருள்பாலிக்கும் ஸ்ரீ சனீஸ்வரபகவான் ஆயுள்காரகனாவாா். இதனாலேயே லட்சக்கணக்கான பக்தா்கள் திருநள்ளாறு வந்து தரிசனம் செய்கின்றனா். (தற்போது தடை உத்தரவால் பக்தா்களுக்கு அனுமதி இல்லை) கரோனா ஆயுளை அழிக்கக்கூடியதாக உள்ளபோது, திருநள்ளாறில் சிறப்பு வழிபாடுகள் நடத்தப்பட வேண்டும். இதற்கான முயற்சியை காரைக்கால் மாவட்ட நிா்வாகமோ, கோயில் நிா்வாகமோ எடுக்க வேண்டும். இந்து சமய அறநிலையத் துறையை தனது பொறுப்பில் வைத்திருக்கும் புதுச்சேரி முதல்வா் வே. நாராயணசாமி, இதற்கான உத்தரவை பிறப்பிக்க வேண்டும் என்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai