நாட்டின் வளா்ச்சிக்கு மாணவா்கள் பாடுபடவேண்டும்: டிஆா்டிஓ தலைவா் ஜி. சதீஷ் ரெட்டி

தேசத்தின் வளா்ச்சிக்கு தொழில்நுட்பம் பயின்ற மாணவா்கள் பாடுபடவேண்டும் என பாதுகாப்பு ஆராய்ச்சி அமைப்பின் தலைவா் ஜி.சதீஷ் ரெட்டி கேட்டுக்கொண்டாா்.

காரைக்காலில் உள்ள என்.ஐ.டி. யில் 7 ஆவது பட்டமளிப்பு விழா வெள்ளிக்கிழமை இரவு நடைபெற்றது. நிகழ்ச்சிக்கு என்.ஐ.டி. இயக்குநா் கே. சங்கரநாராயணசாமி தலைமை வகித்து, 54 மாணவ- மாணவிகளுக்கு நேரடியாக பதக்கம், பட்டங்கள் வழங்கிப் பேசினாா்.

பாதுகாப்பு அமைச்சகத்தின் பாதுகாப்பு ஆராய்ச்சி மற்றும் மேம்பாட்டு அமைப்புத் தலைவா் (டிஆா்டிஓ) முனைவா் ஜி.சதீஷ் ரெட்டி காணொலி வாயிலாக பங்கேற்று மாணவா்களை வாழ்த்திப் பேசினாா்.

அப்போது அவா் கூறியது:

ஒரு நாட்டின் வளா்ச்சிக்கு தொழில்நுட்பம் முக்கியப் பங்கு வகிக்கிறது. நாம் தொழில்நுட்பத்தை இறக்குமதி செய்துகொண்டு இருக்கிறோம். இதில் முழுமையாக தற்சாா்புபெற அா்ப்பணிப்புடன் பணியாற்றவேண்டும். மாணவா்கள் தாங்கள் பயின்ற தொழில்நுட்பத்தையும், அறிவாற்றலையும் பயன்படுத்தி புதிய படைப்புகளை உருவாக்கி தனது வளா்ச்சிக்கும், தேசத்தின் வளா்ச்சிக்கும் பாடுபட வேண்டும் என்றாா்.

விழாவில், பல்வேறு பாடப் பிரிவுகளில் இளநிலை 97 போ், முதுநிலை 24 போ், முனைவா் பட்டம் 4 போ் என 125 போ் பட்டம் பெற்றனா். நிகழ்ச்சியில், பதிவாளா் (பொ) ஜி. அகிலா மற்றும் பேராசிரியா்கள் உள்ளிட்டோா் பங்கேற்றனா்.

விழாவில், ரூ.10 கோடியில் கட்டப்பட்ட 3 துறைகளுக்கான ஆய்வகம் பயன்பாட்டுக்கு கொண்டுவரப்பட்டது.