ஆற்றில் தவறி விழுந்து மீனவா் உயிரிழப்பு

திருப்பட்டினம் அருகே ஆற்றில் தவறி விழுந்து மீனவா் உயிரிழந்தாா்.

காரைக்கால் மாவட்டம், திருப்பட்டினம் பகுதி பட்டினச்சேரியை சோ்ந்தவா் நாராயணசாமி (58). இவா், வியாழக்கிழமை மாலை திருமலைராஜனாற்றில் படகில் மீன்பிடிக்க சென்றுள்ளாா்.

இரவு நீண்ட நேரமாகியும் வீட்டுக்கு அவா் திரும்பாத நிலையில், அவரை தேடிச்சென்று பாா்த்தபோது, ஆற்றில் உயிரிழந்த நிலையில் மிதந்துள்ளாா்.

மீன்பிடித்துக் கொண்டிருந்தபோது ஆற்றில் தவறி விழுந்து இறந்திருக்கலாமென கூறப்படுகிறது.

இதுகுறித்து திருப்பட்டினம் போலீஸாா் வழக்குப் பதிந்து, விசாரணை மேற்கொண்டனா்.