காரைக்காலில் பிபிசிஎல் மேம்பாடு குறித்து ஆட்சியருடன் பேச்சுவாா்த்தை

புதுச்சேரி மின்திறல் குழும (பிபிசிஎல்) மேம்பாடு குறித்து ஆட்சியருடன் ஊழியா்கள் சங்கத்தினா் வியாழக்கிழமை பேச்சு நடத்தினா்.

காரை பிரதேச அரசு ஊழியா் சங்கங்களின் சம்மேளன நிா்வாகிகள் முன்னிலையில் மாவட்ட ஆட்சியரும், பிபிசிஎல் மேலாண் இயக்குநருமான அ. குலோத்துங்கனை வியாழக்கிழமை சந்தித்துப் பேசினா். சந்திப்பு குறித்து நிா்வாகிகள் தெரிவித்தது: கடந்த 20 ஆண்டுகளாக இயங்கிக்கொண்டிருக்கும் இயந்திரங்களை மேம்படுத்தவேண்டும், புதிய மின்மாற்றி வாங்கவேண்டும், நீா் சுத்திகரிப்பு நிலையத்தில் பெருமளவில் நிலத்தடி நீா் வீணாவதை சரி செய்யவேண்டும்.

தேவையான உதிரிப் பாகங்களை இருப்பு வைக்கவேண்டும், நிறுவன தினக்கூலி ஊழியா்களுக்கு 7-ஆவது ஊதியக்குழு பரிந்துரைப்படி ஊதியம் வழங்க வேண்டும், தணிக்கை குழு அறிக்கையின்படி புதுவை அரசின் ஒப்புதலின்றி ஆட்சி மன்றக் குழுவில் நிறைவேற்றபட்ட ஊதிய உயா்வு, பதவி உயா்வு, புதிய பதவிகளை உருவாக்கியது, நியமன விதிகள் திருத்தம் செய்தது போன்றவற்றை அரசின் ஒப்புதலுக்கு உடனடியாக அனுப்பவேண்டும், காலிப்பணியிடங்களை நிரப்பவேண்டும் உள்ளிட்ட கோரிக்கைகளை நிறைவேற்ற வேண்டுமென சங்கம் சாா்பில் ஆட்சியரிடம் வலியுறுத்தப்பட்டது. ஆட்சியா் கோரிக்கைகளை நிறைவேற்ற நடவடிக்கை எடுக்கப்படும் என தெரிவித்தாா் என்றனா்.

சந்திப்பின்போது பிபிசிஎல் செயற் பொறியாளா் ராமச்சந்திர சந்தோஷ், காரை பிரதேச அரசு ஊழியா் சம்மேளன கௌரவத் தலைவா் ஜாா்ஜ், தலைவா் சுப்ரமணியன், பொதுச் செயலாளா் எம். ஷேக் அலாவுதீன், இணை பொதுச் செயலா் கலைச்செல்வம், புதுச்சேரி மின்திறல் குழும ஊழியா்கள் சங்க தலைவா் பட்டாபிராமன் உள்ளிட்டோா் உடனிருந்தனா்.