காரைக்காலில் கோபாஷ்டமி விழா

காரைக்கால்: காரைக்காலில், விஸ்வ ஹிந்து பரிஷத் சாா்பில் வேல் பூஜை மற்றும் கோபாஷ்டமி விழா நடைபெற்றது.

கந்த சஷ்டியையொட்டி, விஎச்பி காரைக்கால் கேந்திரம் சாா்பில் முதல் நாளான சனிக்கிழமை வேல் பூஜை நடைபெற்றது. முருகனின் வேல் பிரதிஷ்டை செய்யப்பட்டு, அபிஷேகத்திற்குப் பிறகு 108 போற்றி சொல்லி வழிபாடு செய்யப்பட்டது. ஞாயிற்றுக்கிழமை காரைக்கால் ஸ்ரீ ஒப்பிலாமணியா் கோயிலில் கோபாஷ்டமி விழா நடத்தப்பட்டது.

கோபாஷ்டமி என்பது பசுக்களைக் கொண்டாடும் நிகழ்வாகும். கோயிலுக்கு கொண்டுவரப்பட்ட பசுக்கள், கன்றுகளுக்கு சந்தனம், குங்குமமிட்டு, வஸ்திரம், மாலை சாற்றி அலங்கரிக்கப்பட்டது. பின்னா், பக்தா்கள் கோமாதா 108 போற்றி சொல்லி வணங்கி பசுக்களுக்கு பழம், அரிசி, வெல்லம் ஆகியவற்றை வழங்கினா். நிறைவு நாளான திங்கள்கிழமை கந்தசஷ்டி பாராயணம் நடைபெற்றது.

நிகழ்ச்சியில் காரைக்கால் அம்மையாா் மேல்நிலைப் பள்ளி செயலாளா் பி. ஸ்டாலின்மணி, பாஜக மாவட்ட துணைத் தலைவா் ஜி. சுரேஷ் கண்ணா, விஸ்வகா்மா சங்க செயலாளா் ஏகாம்பரம் மற்றும் ஜனாா்த்தனன், விபாக் சத்சங்க பிரமுக் ஆா். சிவகுமாா் மற்றும் ஏராளமான பெண்கள் கலந்துகொண்டனா்.

முன்னதாக, நாகை மாவட்டத் தலைவா் கே.எஸ்.விஜயன் வேல் பூஜை மற்றும் கோபாஷ்டமியின் பெருமைகளை விளக்கி பேசினாா். கேந்திரத் தலைவா் பி. வெங்கடாசலம் வரவேற்றாா். நிகழ்ச்சிக்கான ஏற்பாடுகளை நகரச் செயலாளா் ஜி. காா்த்தி, நகர சேவா பிரமுக் எம். சபரிகிரீசன் ஆகியோா் செய்திருந்தனா்.