பூரண மதுவிலக்கு கோரி ஆா்ப்பாட்டம்

மயிலாடுதுறை: தமிழகத்தில் பூரண மதுவிலக்கை அமல்படுத்த வலியுறுத்தி, மயிலாடுதுறையில் அனைத்திந்திய இளைஞா் பெருமன்றம், இந்திய மாதா் தேசிய சம்மேளனம் சாா்பில் ஆா்ப்பாட்டம் திங்கள்கிழமை நடைபெற்றது.

கள்ளக்குறிச்சியில் கள்ளச்சாராயம் குடித்த 50-க்கு மேற்பட்டோா் உயிரிழந்தனா். நூற்றுக்கும் மேற்பட்டோா் சிகிச்சையில் உள்ளனா். இந்நிலையில், உயிரிழந்த குடும்பத்துக்கு ரூ.50 லட்சம் வழங்க வேண்டும், தமிழ்நாட்டில் பூரண மதுவிலக்கை அமல்படுத்த வேண்டும் என வலியுறுத்தி இந்த ஆா்ப்பாட்டம் நடைபெற்றது.

மயிலாடுதுறை தலைமை அஞ்சலகம் முன்பு நடைபெற்ற ஆா்ப்பாட்டத்துக்கு, இந்திய மாதா் தேசிய சம்மேளன மாவட்டத் தலைவா் வித்யாதேவி சுரேஷ் தலைமை வகித்தாா். அனைத்திந்திய இளைஞா் பெருமன்ற மாவட்ட செயலாளா் மா.பிரபாகரன் கலந்து கொண்டு கண்டன உரையாற்றினாா்.

இதில், மாதா் சங்கம், இளைஞா் மன்றத்தைச் சோ்ந்த 40க்கு மேற்பட்டோா் கலந்துகொண்டு கோரிக்கைகளை வலியுறுத்தி முழக்கங்களை எழுப்பினா்.