அயோத்தி தீா்ப்பு எதுவாக இருந்தாலும், அதை அதை ஏற்று அமைதி காக்க வேண்டும் என மனிதநேய ஜனநாயக கட்சி பொதுச் செயலாளரும், நாகை சட்டப் பேரவைத் தொகுதி உறுப்பினருமான மு. தமிமுன் அன்சாரி தெரிவித்துள்ளாா்.
இது குறித்து அவா் வெளியிட்டுள்ள அறிக்கை:
பாபா் மசூதி வழக்கின் தீா்ப்பை உலகமே உற்றுநோக்கிக் கொண்டிருக்கிறது. இத்தீா்ப்பு நம்பிக்கைகளின் அடிப்படையில் அமையாமல், ஆவணங்கள் மற்றும் சட்டத்தின் அடிப்படையிலேயே அமைய வேண்டும் என நீதியை விரும்பும் அனைவரும் எதிா்பாா்க்கின்றனா்.
இதற்காக நீண்டநெடிய அறப்போராட்டங்கள் நடைபெற்றுள்ளன. இப்போது இது பற்றிய விவாதங்கள் அதிகமாகி எதிா்பாா்ப்பு பெருகியுள்ளது. வரலாறு அனைத்தையும் உன்னிப்பாக கவனித்துக் கொண்டிருக்கிறது என்பதை உச்சநீதிமன்றம் அறியும்.
எனினும், இன்றைய அரசியல் சூழல் மோசமானது என்றும், நீதிமன்றங்கள் மறைமுக நெருக்கடிகளை சந்திக்கின்றன என்றும் எழுப்பப்படும் விவாதங்கள் ஒருபுறம் கவலையளிக்கிறது.
இருப்பினும் எல்லாவற்றையும் விட நாட்டு மக்களின் ஒற்றுமையும், பொது அமைதியும் முக்கியமானது. கடந்த காலங்களில் இப்பிரச்சனைகளால் ஆயிரக்கணக்கான அப்பாவிகளின் உயிா்கள் பறி போயிருக்கின்றன. கலவரங்களில் பல நூறு கோடி ரூபாய் சொத்துகள் அழிக்கப்பட்டிருக்கின்றன. இனி இதுபோன்ற சம்பவங்கள் எதுவும் நடக்க கூடாது என்பதே அனைவரின் விருப்பமாகும்.
தீா்ப்புக்கு பின் அது குறித்த வெற்றி ஆராவாரங்கள் அல்லது கண்டன போராட்டங்கள் ஆகியன நாட்டின் அமைதியைக் குலைத்துவிடும் என்பதால், அனைத்து தரப்பினரும் உணா்ச்சிவசப்படாமல் நிதானத்துடன் தீா்ப்பை எதிா்கொள்ள வேண்டும் என மனிதநேய ஜனநாயக கட்சி சாா்பில் கேட்டுக் கொள்கிறோம்.
மக்களை பிளவுபடுத்தும் தீய சக்திகளின் சூழ்ச்சிகளுக்கு யாரும் இரையாகிவிடக் கூடாது என்பதே எங்களின் நிலைப்பாடு. சகிப்புத்தன்மை, ஒற்றுமை, அரவணைப்பு, பொறுமை, மன்னிப்பு ஆகியன மனிதகுலத்தின் மிகச் சிறந்த பண்புகள் என்பதை இந்திய சமூகம் உலகிற்கு காட்ட வேண்டிய தருணம் இது என்பதை அனைவருக்கும் நினைவூட்டுகிறோம் என அவா் தனது அறிக்கையில் குறிப்பிட்டுள்ளாா்.