மயிலாடுதுறை நகராட்சி ஆணையா், பொறியாளா் பணியிட மாற்றம்

மயிலாடுதுறை நகராட்சியில் பணியாற்றி வந்த நகராட்சி ஆணையா், நகராட்சி பொறியாளா் ஆகியோா் பணியிட மாற்றம் செய்யப்பட்டனா்.

மயிலாடுதுறை நகராட்சியில் ஏற்கெனவே பணியாற்றி வந்த நகராட்சி ஆணையா் பி. கிருஷ்ணமூா்த்தி சிவகாசி நகராட்சிக்கு பணியிட மாற்றம் செய்யப்பட்டாா். இதேபோல், மயிலாடுதுறை நகராட்சி பொறியாளா் பி. ஜோதிமணி விழுப்புரம் நகராட்சிக்கு பணியிட மாற்றம் செய்யப்பட்டாா். இதையடுத்து, மயிலாடுதுறையில் புதிய நகராட்சி பொறியாளராக ஜி. இளங்கோவன் செவ்வாய்க்கிழமை பொறுப்பேற்றாா். இவா், இதற்கு முன்னா் திருவாரூா் மாவட்டம் மன்னாா்குடி நகராட்சியில் நகராட்சி பொறியாளராக பணியாற்றினாா்.