ஆச்சாள்புரம் கோயிலில் தருமபுரம் ஆதீனம் வழிபாடு

சீா்காழி அருகே உள்ள ஆச்சாள்புரம் சிவலோக தியாகராஜசுவாமி கோயிலில் தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாா்ய சுவாமிகள் வியாழக்கிழமை வழிபாடு மேற்கொண்டாா்.

தருமபுரம் ஆதீனத்தின் 27-ஆவது குருமகா சந்நிதானமாக கடந்த டிசம்பா் 13-ஆம் தேதி ஞானபீடம் ஏற்ற ஸ்ரீலஸ்ரீ மாசிலாமணி தேசிக ஞானசம்பந்த பரமாசாா்ய சுவாமிகள், தருமபுரம் ஆதீனத்துக்குச் சொந்தமான கோயில்களுக்குச் சென்று வழிபாடு மேற்கொண்டுவருகிறாா்.

அதன்படி, 17-ஆவது திருத்தல யாத்திரை மற்றும் வழிபாடாக கொள்ளிடம் அருகேயுள்ள ஆச்சாள்புரம் சிவலோக தியாகராஜசுவாமி கோயிலுக்கு குருமகா சந்நிதானம் வருகை புரிந்தாா். இக்கோயிலில், திருஞானசம்பந்தருக்கு திருமணம் நடைபெற்றதால் நல்லூா் பெருமணம் என்று இத்தலம் அழைக்கப்படுகிறது. இத்திருமணத்தை காணவந்த அனைவரும் மணமக்களுடன் ஜோதியில் கலந்து, முக்தியடைந்ததாக ஐதீகம்.

இக்கோயிலில் அருள்பாலிக்கும் திருவெண்ணீற்றுயம்மை உடனாகிய சிவலோக தியாகராஜசுவாமி, திருஞானசம்பந்தா், சனி பகவான் உள்ளிட்ட அனைத்து சன்னிதிகளில் தருமபுரம் ஆதீனம் வழிபாடு செய்தாா். முன்னதாக, கோயில் நிா்வாகிகள், ஊழியா்கள் மற்றும் பொதுமக்கள், பக்தா்கள் சாா்பில் குருமகா சந்நிதானத்துக்கு பூா்ண கும்பமரியாதையுடன் சிறப்பான வரவேற்பு அளிக்கப்பட்டது.

இதில், வைத்தீஸ்வரன்கோயிலைச் சோ்ந்த பால.எழிலரசன், ஒன்றியக்குழு முன்னாள் உறுப்பினா் வீரபாண்டியன், சீா்காழி சட்டநாதா் கோயில் சிராபு செந்தில் உள்ளிட்டோா் கலந்துகொண்டனா்.