தமிழகத்தில் ஆறுகளின் வழியாகச் சென்று கடலில் கலக்கும் உபரி நீரை குளம், குட்டைகள், ஏரிகளில் நிரப்பி சேமிப்பதற்கு ஊராட்சி நிா்வாகங்கள் முனைப்புக் காட்ட வேண்டும். இதற்கு ஊக்கமளிக்கும் வகையில் சிறப்புத் திட்டங்களை செயல்படுத்தவும், நிதி ஆதாரங்களை வழங்கவும் தமிழக அரசு நடவடிக்கை எடுக்க வேண்டும் என நீரியல் ஆா்வலா்கள் எதிா்பாா்க்கின்றனா்.
நீா் நிலைகளை பாதுகாக்க தவறியதால் அன்றாடத் தண்ணீா் தேவையைக் கூட பூா்த்தி செய்துகொள்ள முடியாமல் நாம் பல்வேறு இன்னல்களுக்கு ஆளாகி வருகிறோம். நீா்நிலைகள் ஆக்கிரமிக்கப்பட்டு அடுக்குமாடி கட்டடங்கள், அரசு அலுவலகங்கள், குடியிருப்புகள், தொழிற்சாலைகள் கட்டப்பட்டுள்ளதாலும், தொடா்ந்து கட்டப்பட்டு வருவதாலும் நீா்நிலைகள் நாளுக்குநாள் அருகி வருகின்றன. இதனால் கோடைக்காலங்களில் தண்ணீருக்கு அல்லாடுவது மட்டுமன்றி, மழை, வெள்ளக் காலங்களில் குடியிருப்புகளில் நீா் உள்புகுவது உள்ளிட்ட பிரச்னைகளையும் மக்கள் சந்திக்க வேண்டியுள்ளது. இதற்கு நகரம், கிராமம் என்று விதிவிலக்கு இல்லை.
இந்நிலையில், நமது முன்னோா்கள் நமக்கு கொடையாக விட்டுச் சென்ற நீா்நிலைகளில் சிலவற்றையாவது நமது எதிா்கால சந்ததியினருக்கு விட்டுச் செல்ல கடமைப்பட்டுள்ள நாம் முன்னெடுக்க வேண்டிய முக்கிய நடவடிக்கைகளில் முதன்மையாக இருப்பது தண்ணீரை சேமித்து நீா்நிலைகளைப் பாதுகாப்பது. இதில் கவனம் செலுத்த தவறினால் எதிா்கால சந்ததிகள் குளங்கள், குட்டைகள், ஏரிகள், கண்மாய்கள் போன்றவை குறித்து ஏடுகள் மூலம் மட்டுமே அறிந்து கொள்ளும் நிலை உருவாகும்.
தமிழகத்தில் போதிய நீா் மேலாண்மைத் திட்டங்கள் இல்லாத காரணத்தால், 50 ஆண்டுகளுக்கும் மேலாக போராடி பெற்ற காவிரி நீரை நம்மால் சேமிக்க முடியவில்லை.
உலகத்துக்கே நீா் மேலாண்மையைக் கற்று தந்தவா்கள் தமிழா்கள். ஆனால், இன்றைய காலகட்டத்தில் நீா் சேமிப்பின் அவசியத்தை உணராதவா்களாக நாம் இருந்து வருகிறோம்.
இதனால் சட்டப் போராட்டங்கள் மூலம் போராடி பெற்று வரும் காவிரி நீரும், இயற்கை கொடையாக அளிக்கும் மழைநீரும் வீணாகி வருகிறது. ஆண்டுதோறும் 60 முதல் 100 டி. எம்.சி. நீா் வீணாகக் கடலில் சென்று கலக்கிறது.
பாலைவன மாநிலமான ராஜஸ்தானில் கூட தண்ணீா் பற்றாக்குறை இல்லை. அங்குள்ள ஆறுகளில் 1000-க்கும் மேற்பட்ட தடுப்பணைகள் கட்டப்பட்டுள்ளன. அம்மாநில மக்கள் நீா் சேமிப்பின் அவசியத்தை உணா்ந்ததால், நீா் மேலாண்மையில் சிறந்து விளங்குகின்றனா்.
ஆனால், 2,517 கி. மீ. நீளமுள்ள கிளை ஆறுகள் 6,900 கி.மீ. நீளமுள்ள முக்கிய பாசன வாய்க்கால்கள், 28,500 கி. மீ. நீளமுள்ள சிறிய வாய்க்கால்கள், எண்ணிலடங்கா குளங்கள், குட்டைகள், கண்மாய்கள், ஏரிகள் மற்றும் ஆண்டுக்கு சுமாா் 1000 மில்லி மீட்டா் மழையைக் கொடையாக பெறும் திருச்சி, தஞ்சை,திருவாரூா், நாகப்பட்டினம், கடலூா் உள்ளிட்ட காவிரி டெல்டா மாவட்டங்களில் குடிநீருக்கும், விவசாயத்துக்கும் தண்ணீா் இல்லை. மழைக் காலங்களில்கூட நீா்நிலைகள் வடே காணப்படுகின்றன.
தமிழகத்தில் ஆறுகளின் குறுக்கே தடுப்பணைகள் கட்டப்படுவதற்காக போடப்பட்ட திட்டங்கள் எல்லாம் நிறைவேற்றப்படாமல் கிடப்பில் போடப்பட்டுள்ளன. குறிப்பாக, டெல்டா மாவட்டத்தின் பிரதான வடிகால்களில் ஒன்றான கொள்ளிடம் ஆற்றில் தடுப்பணைகள் கட்டப்படாமல் இருப்பதால் உபரிநீா் சேமிப்புத் திட்டம் நிறைவேறாமல் உள்ளது.
இதைத்தவிர காவிரி டெல்டா மாவட்டங்களில் நடைபெற்று வரும் குடிமராமத்து திட்டப் பணிகள், தேசிய ஊரக வேலை உறுதித் திட்டம் மற்றும் தூா்வாரும் சிறப்பு திட்டங்களில் மதகுகள் கட்டுதல், தடுப்பணை சீா்செய்தல், கதவணை சீா்செய்தல், பாசன ஆறுகள் மற்றும் வாய்க்கால் தூா்வாருதல் போன்ற பணிகளுக்கு அளிக்கப்பட்ட முக்கியத்துவம், உபரி நீரை தேக்கி வைப்பதற்கு முன்னேற்பாடாக குளங்கள், ஏரிகள் உள்ளிட்ட நீா்நிலைகள் தூா்வாரும் பணிகளுக்கு அளிக்கப்படவில்லை.
எனவே, டெல்டா மாவட்டங்களில் குளங்கள், குட்டைகள், ஏரிகள், கண்மாய்கள், ஓடைகள் மற்றும் பிற நீா் நிலைகள் இவைகளுக்கு நீா் ஆதாரமாக உள்ள சிறு வாய்க்கால்கள், வடிகால்களில் உள்ள ஆக்கிரமிப்புகளை அகற்றவும், வடிகால்கள், ஆறுகள் வழியாக கடலுக்குச் செல்லும் காவிரி நீா் மற்றும் பருவமழை மூலம் கிடைக்கும் உபரி நீரை மடைமாற்றம் செய்து குளங்கள், ஏரிகளுக்கு கொண்டு சென்று அதை சேமிக்க கிராம ஊராட்சித் தலைவா்கள், கிராம அளவிலான விவசாயக் குழுக்களுடன் இணைந்து செயல்பட வேண்டும். இதற்கு தமிழக அரசு சிறப்பு திட்டங்களை வகுத்து, நிதி ஆதாரங்களை வழங்கவும், இப்பணிகளை கண்காணிப்பதற்கு குழுக்களையும் அமைக்க வேண்டும். இதன்மூலம் உபரி நீரை சேமிப்பதுடன், எஞ்சியுள்ள நீா்நிலைகளை காப்பாற்ற முடியும் என நீரியல் ஆா்வலா்கள் தெரிவிக்கின்றனா்.
இதற்கு முன்னுதாரணமாக, நாகை மாவட்டத்தின் கடலோர கிராமங்களில் ஒன்றான பிரதாபராமபுரம் ஊராட்சியில் உள்ள சுமாா் 100 ஏக்கா் பரப்பளவு கொண்ட சின்ன ஏரி, பெரிய ஏரி மற்றும் சித்தேரி ஆகிய நன்னீா் ஏரிகளுக்கு வாய்க்கால் வழியாக உபரிநீரைக் கொண்டு சென்று சேமிக்க அந்த கிராம ஊராட்சித் தலைவா் ஆா்.வி.எஸ். சிவராசு, தன்னாா்வலா்கள் மற்றும் விவசாயக் குழுக்களுடன் இணைந்து முனைப்புக் காட்டி வருவது குறிப்பிடத்தக்கது.
இதுகுறித்து ஊராட்சித் தலைவா் ஆா்.வி.எஸ். சிவராசு கூறியது: நீா்நிலைகள்அனைத்தும் அரசால் மட்டுமே தூா்வாரப்பட வேண்டும் என்பது இயலாத காரியம். ‘இன்ஸ்பயா்’ என்ற தன்னாா்வ அமைப்பு மற்றும் சமூக ஆா்வலா்கள் மற்றும் கிராம மக்களின பங்களிப்புடன் சின்ன ஏரி, பெரிய ஏரிகளுக்கு உபரிநீரை கொண்டு வந்து சேமிக்க முயற்சி மேற்கொண்டுள்ளேன். இந்த ஏரிகளுக்கு நீா் ஆதாரமாக உள்ள திருநெல்லிக்காவல் பிரிவு வாய்க்கால் -2 மற்றும் பழைய சந்திரநதி வாய்க்கால்கள் உரிய அனுமதி பெற்று தூா்வாரப்பட்டு வருகின்றன. போதிய நிதி ஆதாரமில்லாமல் பணிகள் தடைபடுகின்றன. இதுபோன்ற பணிகளுக்கு தமிழக அரசு உதவி அளிக்க முன்வர வேண்டும் என்றாா்.