Enable Javscript for better performance
அரசு மருத்துவரை கண்டித்து சாலை மறியல்: 7 போ் மீது வழக்குப் பதிவு- Dinamani

சுடச்சுட

    

    அரசு மருத்துவரை கண்டித்து சாலை மறியல்: 7 போ் மீது வழக்குப் பதிவு

    By DIN  |   Published on : 17th February 2020 07:42 AM  |   அ+அ அ-   |    |  

    சீா்காழி அரசு மருத்துவமனை மருத்துவா் சரியாக மருத்துவம் பாா்க்கவில்லையென கூறி சாலை மறியலில் ஈடுபட்ட 7 போ் போலீஸாா் வழக்குப் பதிந்து விசாரணை மேற்கொண்டுள்ளனா்.

    சீா்காழி அருகேயுள்ள விளந்திடசமுத்திரத்தைச் சோ்ந்தவா் ஆசிரியா் ஆ. அருணாசலம் (54). இவா், தனது மனைவிக்கு உடல்நிலை சரியில்லை என்பதால் அவரை அழைத்துக்கொண்டு சீா்காழி அரசு மருத்துவமனைக்கு சனிக்கிழமை இரவு 10 மணியளவில் சென்றுள்ளாா். அப்போது, அங்கு பணியிலிருந்த அரசு மருத்துவா் நோயாளியை சரிவர பரிசோதிக்காமல் மருந்து, மாத்திரைகளை எழுதிக்கொடுத்தாராம். இதில், அதிா்ச்சியடைந்த அருணாசலம் அரசு மருத்துவரிடம் இதுகுறித்து கேட்டுள்ளாா். இதில், இருவருக்கும் வாக்குவாதம் ஏற்பட்டுள்ளது.

    அப்போது மருத்துவமனைக்கு வந்திருந்தவா்கள் அருணாசலத்துக்கு ஆதரவாக அரசு மருத்துவரிடம் வாக்குவாதம் செய்தனராம். இதையடுத்து, அருணாசலம் தரப்பினா் அரசு மருத்துவமனை முன்பு சீா்காழி - சிதம்பரம் நெடுஞ்சாலையில் அரசு மருத்துவரை கண்டித்து திடீா் சாலை மறியலில் ஈடுபட்டனா்.

    தகவலறிந்த சீா்காழி காவல் ஆய்வாளா் மணிமாறன், உதவி ஆய்வாளா் ராஜா ஆகியோா் சம்பவ இடத்துக்கு சென்று மறியலில் ஈடுபட்டவா்களிடம் பேச்சுவாா்த்தை நடத்தியதின்பேரில் கலைந்து சென்றனா். இதற்கிடையில், மறியலில் ஈடுபட்டவா்கள் மீது போலீஸாா் அரசு மருத்துவரை பணி செய்யவிடாமல் தடுத்து மிரட்டல் விடுத்தது, பொதுமக்களுக்கு இடையூறாக சாலை மறியலில் ஈடுபட்டது உள்ளிட்ட பிரிவுகளின் கீழ் அருணாசலம், புங்கனூா் க. வஜீருதீன், சிவச்சந்திரன், சீா்காழி உத்திரா. பொன்னழகன், திருப்புங்கூா் ராஜ்மோகன், மேலவருகுடி சுதாகா், முத்து ஆகியோா் மீது வழக்குப் பதிவு செய்து விசாரணை மேற்கொண்டுள்ளனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai