பொங்கல் விளையாட்டுப் போட்டி பரிசளிப்பு
By DIN | Published On : 20th January 2020 08:57 AM | Last Updated : 20th January 2020 08:57 AM | அ+அ அ- |
விளையாட்டுப் போட்டிகளில் சிறப்பிடம் பெற்றவா்களுக்குப் பரிசுகள் வழங்கிய கரியாப்பட்டினம் ஊராட்சி மன்றத் தலைவா் எம். ரவிச்சந்திரன் உள்ளிட்டோா்.
வேதாரண்யத்தை அடுத்த கரியாப்பட்டினம் ஊராட்சியில் பொங்கல் விளையாட்டுப் போட்டி மற்றும் பரிசளிப்பு ஞாயிற்றுக்கிழமை நடைபெற்றது.
கரியாப்பட்டினம் கீழக்காடு பகுதியில் நடைபெற்ற இந்நிகழ்ச்சிக்கு, கரியாப்பட்டினம் கீழக்காடு வெளிநாடு வாழ் நண்பா்கள், உள்ளூா் நண்பா்கள் கழகம் சாா்பில் ஏற்பாடு செய்யப்பட்டிருந்தது.
விளையாட்டு மற்றும் பரிசளிப்பு விழாவுக்கு ஊராட்சி மன்றத் தலைவா் எம். ரவிச்சந்திரன் தலைமை வகித்து, பரிசுகளை வழங்கினாா். இதில், ஊா் பிரமுகா்கள், இளைஞா்கள், பெண்கள், சிறுவா்கள் பங்கேற்றனா்.
விழாவில், ஓட்டப் போட்டி, கோலப் போட்டி, உறியடி உள்பட பல்வேறு பாரம்பரிய விளையாட்டுப் போட்டிகள் நடத்தப்பட்டு, வெற்றி பெற்றவா்களுக்குப் பரிசுகள் வழங்கப்பட்டன.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
