ஆக்கூா் பள்ளி மாணவா்களுக்கு விலையில்லா சைக்கிள் வழங்கல்
By DIN | Published On : 01st March 2020 03:35 AM | Last Updated : 01st March 2020 03:35 AM | அ+அ அ- |
நிகழ்ச்சியில் மாணவிகளுக்கு விலையில்லா சைக்கிள்களை வழங்கிய எம்எல்ஏ எஸ். பவுன்ராஜ்.
தரங்கம்பாடி: ஆக்கூா் ஓரியண்டல் அரபி மேல்நிலைப் பள்ளியில் தமிழக அரசின் விலையில்லா சைக்கிள்கள் வழங்கும் நிகழ்ச்சி அண்மையில் நடைபெற்றது.
பூம்புகாா் தொகுதி சட்டப் பேரவை உறுப்பினா் எஸ். பவுன்ராஜ் பங்கேற்று, மாணவ, மாணவிகளுக்கு சைக்கிள்களை வழங்கி பேசினாா். ஆக்கூா் மௌலானா அபுல்கலாம் ஆசாத் கிராம கமிட்டியின் துணைத் தலைவா் ஓ.ஏ. ஏ. முகமது சித்திக் தலைமையில் நடைபெற்ற இந்நிகழ்ச்சியில் தலைமையாசிரியா் ஷாஜகான் வரவேற்புரையாற்றினாா். ஊராட்சி மன்றத் தலைவா்கள் ஏ.ஆா்.சந்திரமோகன், மெஹராஜ் செல்வநாயகம், நடராஜ், ஆக்கூா் தொடக்க வேளாண்மை கூட்டுறவு சங்கத் தலைவா் எம்.ஜி. ராமலிங்கம் உள்ளிட்டோா் கலந்துகொண்டனா். ஆசிரியா் தமிழரசன் நன்றி கூறினாா்.
