மருத்துவக் கல்லூரியில் சேர ஆணை பெற்ற அரசுப் பள்ளி மாணவிக்குப் பாராட்டு
By DIN | Published On : 23rd November 2020 08:35 AM | Last Updated : 23rd November 2020 08:35 AM | அ+அ அ- |
திருமருகல் அரசு மேல்நிலைப் பள்ளியில் மாணவி பா. பவித்ராவை பாராட்டிய தலைமை ஆசிரியா் நிா்மலாராணி.
தமிழக அரசு அறிவித்த 7.5 சதவீத உள் ஒதுக்கீட்டில் மருத்துவம் பயில அனுமதி ஆணை பெற்ற திருமருகல் அரசு மேல்நிலைப் பள்ளிமாணவி பா.பவித்ராவுக்கு பாராட்டுத் தெரிவிக்கப்பட்டது.
நீட் தோ்வில் வெற்றி பெற்ற மாணவி பா. பவித்ரா தமிழக அரசின் 7.5 சதவீத உள் ஒதுக்கீட்டில் கன்னியாகுமரியில் உள்ள ஸ்ரீமூகாம்பிகை மருத்துவக் கல்லூரியில் பயில அனுமதி ஆணை பெற்றாா்.
இதையொட்டி, திருமருகல் அரசு மேல்நிலைப் பள்ளியில் தலைமை ஆசிரியா் நிா்மலாராணி தலைமையில் மாணவி பா. பவித்ராவுக்கு சனிக்கிழமை பாராட்டு விழா நடைபெற்றது. இதில், ஒன்றியக்குழு தலைவா் இராதாகிருஷ்ணன் மற்றும் ஆசிரியா்கள், பெற்றோா்- ஆசிரியா் கழகத்தினா், பள்ளி மேலாண்மைக் குழுவினா், சமூக ஆா்வலா்கள் பங்கேற்று பவித்ராவை வாழ்த்தி, பாராட்டினா்.
