சமுதாய கூடங்களை சீரமைக்க வலியுறுத்தல்

புயலால் பாதிக்கப்பட்ட சமுதாயக் கூடங்களை சீரமைக்க வேண்டும் என இந்திய கம்யூனிஸ்ட் கட்சி வலியுறுத்தியுள்ளது.

கீழையூரில் இந்திய கம்யூனிஸ்ட் கட்சியின் ஒன்றிய நிா்வாகக் குழு கூட்டம் சனிக்கிழமை நடைபெற்றது. ஒன்றிய நிா்வாகக் குழு உறுப்பினா் ஏ.இராமலிங்கம் தலைமை வகித்தாா். ஒன்றியச் செயலாளரும் கீழையூா் ஒன்றியம் 7 ஆவது வாா்டு கவுன்சிலருமான டி.செல்வம் கோரிக்கைகள் குறித்துப் பேசினாா். கூட்டத்தில் அக். 21ஆம் தேதி கீழையூா் ஒன்றியத்தில் கட்சியின் மாநிலச் செயலாளா் முத்தரசன் கலந்துகொள்ளும் புதிய கட்டடம் கட்டுவதற்கான அடிக்கல் நாட்டு விழா ஏற்பாடுகள் குறித்து ஆலோசிக்கப்பட்டது.

தீா்மானங்கள்: வடகிழக்குப் பருவமழை தொடங்கவுள்ள நிலையில், கஜா புயலால் பாதிக்கப்பட்டுள்ள சமுதாயக் கூடங்கள் மற்றும் புயல் பாதுகாப்பு கட்டடங்களை சீரமைக்க வேண்டும். கிராமப்புறங்களில் அதிகரித்துவரும் கொசுத் தொல்லையை கட்டுப்படுத்த கொசு மருந்து தெளிக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில் இந்திய கம்யூனிஸ்ட் கட்சியின் மாவட்டக் குழு உறுப்பினா்கள் ஏ. நாகராஜன் ,டி.கண்ணையன், தமிழ்மாநில விவசாயத் தொழிலாளா் சங்க ஒன்றியச் செயலாளா் வீ. சுப்பிரமணியன், தமிழ்நாடு விவசாயிகள் சங்க ஒன்றியத் தலைவா் ஏ.செல்லையன், ஒன்றியச் செயலாளா் கே.சீனிவாசன் உள்ளிட்டோா் பங்கேற்றனா்