கீழ்வேளூா் வட்டம், நீலாப்பாடி கிராமத்தில் தாழ்வாகச் செல்லும் மின்கம்பிகளை சீரமைக்க வேண்டும் என கிராம மக்கள் கோரிக்கை விடுத்துள்ளனா்.
நீலாப்பாடி கொல்லுப்பட்டறை தெருவில் 200-க்கும் மேற்பட்ட குடும்பத்தினா் வசிக்கின்றனா். ராயத்தமங்கலம், எரவாஞ்சேரி உள்ளிட்ட கிராமங்களுக்குச் செல்லும் மக்கள் இந்த தெருவை இணைப்புச் சாலையாக பயன்படுத்தி வருகின்றனா்.
இந்நிலையில், கொல்லுப்பட்டறை தெருவில் மின்கம்பிகள் தாழ்வாக தொங்குவதால் அந்த வழியாக வாகனத்தில் செல்வோா் அச்சத்துடன் செல்லவேண்டிய நிலை உள்ளது.
எனவே, பொதுமக்களின் பாதுகாப்புக் கருதி தாழ்வாக தொங்கும் மின்கம்பிகளை சீரமைக்க மின்வாரிய அதிகாரிகள் உடனடியாக நடவடிக்கை எடுக்கவேண்டும் என நீலாப்பாடி கிராம மக்கள் கோரிக்கை விடுத்து வருகின்றனா்.