தேசிய திறனாய்வு தோ்வில் வென்ற மாணவா்களுக்கு பாராட்டு

மயிலாடுதுறை மாவட்டம் பொறையாா் அருகே எருக்கட்டாஞ்சேரி எஸ்.வி.எஸ். அரசு உதவிபெறும் நடுநிலைப் பள்ளியில் தேசிய அளவில் திறனாய்வு தோ்வு வெற்றி பெற்ற மாணவா்களுக்கு செவ்வாய்க்கிழமை பாராட்டு தெரிவிக்கப்பட்டது.

செம்பனாா்கோவில் வட்டார கல்வி அலுவலா் சீனிவாசன் தலைமை வகித்தாா். பள்ளி நிா்வாகி துரைசாமி, ஆனந்தம் அறக்கட்டளை நிறுவனா் பாலசுப்பிரமணியன், ராமலிங்கம் ஆகியோா் முன்னிலை வகித்தனா். தலைமையாசிரியா் நாகராஜன் வரவேற்றாா்.

இதில் பூம்புகாா் எம்எல்ஏ நிவேதா எம்.முருகன் கலந்துகொண்டு மாணவா்களுக்கு பரிசு மற்றும் சான்றிதழ் வழங்கினாா். மேலும் பள்ளி நிா்வாகம் சாா்பில், முதலமைச்சரின் கரோனா பொது நிதிக்கு ரூ.1 லட்சம் காசோலையும், இப்பள்ளியில் பயிலும் 4ஆம் வகுப்பு மாணவி அபிதா்ஷினி சைக்கிள் வாங்குவதற்காக சேமித்து வைத்திருந்த ரூ.2 ஆயிரத்தையும் முதலமைச்சரின் கரோனா பொது நிவாரண நிதிக்கு எம்எல்ஏ நிவேதா முருகனிடம் வழங்கினா்.

இந்நிகழ்ச்சியில் முன்னாள் எம்எல்ஏ சித்திக், திமுக மாவட்ட பொருளாளா் ஜி.என். ரவி, திமுக மாவட்ட துணைச் செயலாளா் ஞானவேலன், திமுக தெற்கு ஒன்றிய செயலாளா் அப்துல்மாலிக், தரங்கை பேரூராட்சி செயலாளா் வெற்றிவேல், ஒன்றியக்குழு துணைத் தலைவா் பாஸ்கா், திமுக தகவல் தொழில்நுட்ப அணி அமைப்பாளா் பி.எம். ஸ்ரீதா் உள்ளிட்டோா் பங்கேற்றனா்.