கீழையூா் ரங்கநாத பெருமாள் கோயில் தேரோட்டம்

கீழையூா் ரங்கநாத பெருமாள் கோயில் சித்திரை தேரோட்டம் ஞாயிற்றுக்கிழமை நடைபெற்றது.

ஸ்ரீரங்கத்திற்கு இணையாக கருதப்படும் கீழரங்கம் என அழைக்கப்படும் கீழையூரில் ரங்கநாயகி சமேத ரங்கநாத பெருமாள் கோயில் அமைந்துள்ளது. இக்கோயில் சித்திரை திருவிழா கடந்த ஏப். 16-ஆம் தேதி கொடியேற்றத்துடன் தொடங்கியது.

இதைத்தொடா்ந்து பின்னைக்கிளை வாகனம், சேஷ வாகனம், கருட சேவை, ஹனுமந்த வாகனம், யானை வாகனம், புஷ்ப பல்லாக்கு, குதிரை வாகனம் உள்ளிட்ட சிறப்பு வாகனங்களில் பெருமாள் ஒவ்வொரு நாளும் வீதியுலாவுக்கு எழுந்தருளினாா்.

விழாவின் முக்கிய நிகழ்வான தேரோட்டம் ஞாயிற்றுக்கிழமை காலை நடைபெற்றது. அலங்கரிக்கப்பட்ட தேரில் எழுந்தருளிய ரெங்கநாத பெருமாளுக்கு மகா தீபாராதனை காட்டப்பட்டது. தொடா்ந்து தேரோட்டத்தை ஊராட்சித் தலைவா் ஆனந்த ஜோதிபால்ராஜ் வடம் பிடித்து தொடங்கிவைத்தாா். இதைத்தொடா்ந்து திரளான பக்தா்கள் தேரை வடம் பிடித்து இழுத்தனா். கோயிலின் நான்கு வீதிகளிலும் வலம் வந்த தோ் மீண்டும் நிலையை அடைந்தது.

நிகழ்வில் கைங்கா்ய சபா உறுப்பினா்கள் நாகை வெங்கடேசன்,எஸ். சந்தானகிருஷ்ணன், எஸ். கண்ணன், சி.பி. பாலாஜி மற்றும் கிராம மக்கள் உள்பட ஏராளமானோா் பங்கேற்றனா்.