விலைவாசி உயா்வைக் கண்டித்து, காங்கிரஸ் கட்சி சாா்பில் நாகை, மயிலாடுதுறை மாவட்டங்களில் வெள்ளிக்கிழமை ஆா்ப்பாட்டம் நடைபெற்றது.
அத்தியவாசியப் பொருள்களின் விலை உயா்வை கட்டுப்படுத்த வலியுறுத்தியும், காங்கிரஸ் தலைவா்களான சோனியா காந்தி, ராகுல் காந்தி ஆகியோரது மீதான பழிவாங்கும் நடவடிக்கைகளை கண்டித்தும் இந்த ஆா்ப்பாட்டம் நடைபெற்றது.
நாகை தலைமை அஞ்சல் அலுவலகம் முன் காங்கிரஸ் நாகை மாவட்டத் தலைவா்ஆா். என். அமிா்தராஜா தலைமையில் நடைபெற்ற ஆா்ப்பாட்டத்தில், நாகை நகரத் தலைவா் பி. உதயசந்திரன், கட்சியின் விவசாயப் பிரிவு மாநிலப் பொதுச் செயலாளா் ஜி. சுா்ஜித் சங்கா் உள்ளிட்டோா் பங்கேற்றனா்.
பசுவிடம் மனு கொடுத்து போராட்டம்: இதேபோல, நாகூரில் கட்சியின் விவசாயப் பிரிவு மாநிலச் செயலாளா் மீரா உசேன் தலைமையில் அக்கட்சியினா் பசுவிடம் மனு அளித்த ஆா்ப்பாட்டத்தில் ஈடுபட்டனா். இதில், கட்சியின் மாநிலச் செயலாளா் ஏ.ஆா். நெளசாத், நாகூா் நகரத் தலைவா் சா்புதீன், மாவட்ட அமைப்பு பொதுச்செயலாளா் முகம்மது ரபீக், நகா்மன்ற உறுப்பினா்கள் தியாகராஜன், முகம்மது நத்தா், சிறுபான்மைப் பிரிவு மாவட்டத் தலைவா் மக்சூது சாகிபு உள்ளிட்டோா் பங்கேற்றனா்.
வேதாரண்யத்தில்: வேதாரண்யத்தில் காங்கிரஸ் அகில இந்திய கமிட்டி உறுப்பினரும் முன்னாள் எம்.பி.யுமான பி.வி. ராசேந்திரன் தலைமையில் நடைபெற்ற ஆா்ப்பாட்டத்தில், கட்சியின் வட்டாரத் தலைவா் சங்கமம் கோவிந்தராஜ், மாவட்ட வா்த்தக அணி நிா்வாகி அப்சல் உசேன், மகிளா காங்கிரஸ் நிா்வாகி செல்வராணி, பஞ்சாயத் ராஜ் அமைப்பின் மாவட்டத் தலைவா் ஆரோ. பால்ராஜ் உள்ளிட்டோா் பங்கேற்றனா்.
மயிலாடுதுறையில்: மயிலாடுதுறையில் காங்கிரஸ் கட்சியின் மாவட்ட தலைவா் எஸ். ராஜகுமாா் எம்எல்ஏ தலைமையில் நடைபெற்ற ஆா்ப்பாட்டத்தில், முன்னாள் மாவட்ட செயலாளா் டி. சொக்கலிங்கம், நகரத் தலைவா் ராமானுஜம், பொதுக் குழு உறுப்பினா் நவாஸ் மற்றும் கட்சி பொறுப்பாளா்கள் கனிவண்ணன், அன்பழகன் உள்ளிட்டோா் பங்கேற்றனா்.