வேதாரண்யம் இளைஞரிடம் முகநூல் (ஃபேஸ் புக்) மூலம் பழகி, ரூ. 7.28 லட்சம் மோசடி செய்த மா்ம நபா்கள் குறித்து, சைபா் கிரைம் போலீஸாா் விசாரணை மேற்கொண்டுள்ளனா்.
வேதாரண்யம் வட்டம், வெள்ளப்பள்ளம் பகுதியைச் சோ்ந்தவா் வீ. வன்மீகம். சுயதொழில் செய்துவரும் இவா், பிரான்ஸ் பீட்டா் சயீத் என்ற அடையாளம் தெரியாத நபருடன் முகநூல் மூலம் நண்பரானாா்.
இந்நிலையில், 2022 ஜனவரி மாதத்தில் வன்மீகத்தை கைப்பேசியில் தொடா்புகொண்ட அந்த நபா், உங்களுக்குப் பிறந்தநாள் பரிசு அனுப்புவதாகக் கூறி, ஒரு பாா்சலையும் படம் எடுத்து, அதை வாட்ஸ் அப்பில் அனுப்பி வைத்துள்ளாா்.
சில நாள்களுக்குப் பிறகு, மற்றொரு எண்ணிலிருந்து தொடா்பு கொண்ட அந்த நபா், உங்களின் விலாசம் குறிப்பிடப்பட்டுள்ள பாா்சலுக்கு உரிய ஆதாரம் இல்லை எனவும், ரூ.25ஆயிரம் பணம் கட்டி பாா்சலைப் பெற்றுச்செல்லலாம் எனத் தெரிவித்துள்ளாா். இதை நம்பிய வன்மீகம், தனது வங்கிக் கணக்கிலிருந்து ஜனவரி31- ஆம் தேதி ரூ. 25 ஆயிரம் அனுப்பியுள்ளாா்.
பின்னா், பிப்ரவரி 1-ஆம் தேதி தில்லி சுங்கத்துறை அலுவலகத்திலிருந்து பேசுவதாக தெரிவித்த பெண், தங்களுக்கு வந்துள்ள பாா்சலில் வெளிநாட்டு கரன்சிகள் இருப்பதாக தெரிவித்துள்ளாா். இதை பெற இணையவழியில் ரூ. 7. 28 லட்சத்தை அந்த பெண் கூறியபடி வன்மீகம் அனுப்பி வைத்துள்ளாா்.
இந்நிலையில், அந்த மா்ம நபா்கள் தொடா்ந்து பணம் கேட்டு மிரட்டி வருவதாகவும், இழந்த பணத்தை மீட்டுத்தரக் கோரியும் வன்மீகம் நாகை மாவட்ட சைபா் கிரைம் போலீஸாரிடம் புகாா் தெரிவித்தாா்.
இதுகுறித்து சைபா் கிரைம் போலீஸாா் வெள்ளிக்கிழமை வழக்குப் பதிவு செய்து, மோசடியில் ஈடுபட்ட மா்ம நபா்கள் குறித்து விசாரித்து வருகின்றனா்.