பொறையாரில் அதிமுக ஊராட்சித் தலைவா் உள்ளிட்ட 100-க்கும் மேற்பட்டோா் அக்கட்சியில் இருந்து விலகி திமுகவில் புதன்கிழமை இணைந்தனா்.
செம்பனாா்கோயில் தெற்கு ஒன்றியம் பிள்ளைபெருமாள் நல்லூா் அதிமுக ஊராட்சித் தலைவரும், ஒன்றிய மகளிா் அணி தலைவருமான தீபா முனுசாமி, துணைத் தலைவா் நவநீதம், வாா்டு உறுப்பினா் கலாராணி உள்ளிட்ட 100 -க்கும் மேற்பட்ட அதிமுகவினா் அக்கட்சியில் இருந்து விலகி பொறையாரில் நாகை வடக்கு மாவட்ட திமுக பொறுப்பாளரும், பூம்புகாா் சட்டமன்ற உறுப்பினருமான நிவேதா எம். முருகன் முன்னிலையில் திமுகவில் இணைந்தனா்.
நிகழ்ச்சியில், நாகை வடக்கு மாவட்ட திமுக துணை செயலாளா் ஞானவேலன், செம்பை தெற்கு ஒன்றிய செயலாளா் அப்துல் மாலிக், முன்னாள் சட்டமன்ற உறுப்பினா் சித்திக், பொருளாளா் ஜி.என். ரவி, மாவட்ட தகவல் தொழில்நுட்ப பிரிவு அணி அமைப்பாளா் ஸ்ரீதா் உள்ளிட்டோா் பங்கேற்றனா்.