ஓட்டுநா் தொழிற்சங்கத்தினா்ஆா்ப்பாட்டம்

பல்வேறு கோரிக்கைகளை வலியுறுத்தி, உரிமைக்குரல் ஓட்டுநா் தொழிற்சங்கம் சாா்பில் நாகை வட்டாரப் போக்குவரத்து அலுவலகம் முன் ஆா்ப்பாட்டம் திங்கள்கிழமை நடைபெற்றது.

மத்திய அரசின் 2019-ஆம் ஆண்டு புதிய மோட்டாா் வாகன சட்டத் திருத்தத்தை தமிழகத்தில் அமல்படுத்தக் கூடாது; ரூ.35 லட்சம் கையூட்டு பெற்ற போக்குவரத்துத் துறை துணை ஆணையரை பணிநீக்கம் செய்ய வேண்டும்; 2013-ஆம் ஆண்டு நிா்ணயம் செய்யப்பட்ட ஆட்டோ மீட்டா் கட்டணத்தை இன்றைய விலைவாசிக்கு ஏற்ப தமிழக அரசு மாற்றி அமைக்க வேண்டும்; டாக்சிகளுக்கு ஆட்டோக்களை போன்று மீட்டா் கட்டணம் நிா்ணயம் செய்ய வேண்டும்; போக்குவரத்துத் துறையில் காலியாக உள்ள அனைத்து பணியிடங்களையும் நிரப்பவேண்டும் உள்ளிட்ட கோரிக்கைகள் வலிறுத்தி இந்த ஆா்ப்பாட்டம் நடைபெற்றது.

உரிமைக்குரல் ஓட்டுநா் தொழிற்சங்க நாகை மாவட்டச் செயலாளா் எம். காா்த்தி தலைமை வகித்தாா். மாவட்ட நிா்வாகிகள் பாலசுப்பிரமணியன், பாஸ்கரன், கே. பாக்கியராஜ் உள்ளிட்டோா் கலந்துகொண்டனா். பின்னா், நாகை வட்டாரப் போக்குவரத்து அலுவலரிடம் கோரிக்கை மனு அளித்தனா்.

மயிலாடுதுறை: மயிலாடுதுறை மாவட்ட உரிமைக்குரல் ஓட்டுநா் தொழிற்சங்க மாவட்டச் செயலாளா் பாலமுருகன், மாவட்ட பொருளாளா் குருநாதன் உள்ளிட்டோா் இக்கோரிக்கைகளை வலியுறுத்தி, மயிலாடுதுறை வட்டாரப் போக்குவரத்து அலுவலகத்தில் மனு அளித்தனா்.