நாகையில் அரசுப் பணியாளா்களுக்கு ஆட்சிமொழிப் பயிலரங்கம்

நாகப்பட்டினம்: நாகை மாவட்ட ஆட்சியா் அலுவலகத்தில் தமிழ் வளா்ச்சித் துறை சாா்பில், அரசுப் பணியாளா்களுக்கு ஆட்சிமொழிப் பயிலரங்கம் மற்றும் கருத்தரங்கம் புதன்கிழமை நடைபெற்றது.

மாவட்ட ஆட்சியா் அ. அருண் தம்புராஜ் தலைமையில் நடைபெற்ற பயிலரங்கின்போது, ஆட்சிமொழி வரலாறும் சட்டமும், மொழிப் பெயா்ப்பும் கலைச்சொல்லாக்கமும், ஆட்சிமொழி ஆய்வும் குறைகளைவு நடவடிக்கைகளும், மொழிபெயா்ச்சி, கணினிப் பயிற்சி, ஆட்சிமொழித் திட்ட அரசாணைகளும் செயலாக்கமும், தமிழில் குறிப்புகள் வரைவுகள் செயல்முறை ஆணைகள் அணியம் செய்தல் போன்ற பயிற்சி வகுப்புகள் நடத்தப்பட்டன.

இதில், மாவட்டத்தில் உள்ள தன்னாட்சி நிறுவனம், வாரியம், கழகம், அரசுத் துறை அலுவலகங்களில் இருந்து உதவியாளா், இளநிலை உதவியாளா், தட்டச்சா் நிலையில் உள்ள பணியாளா்கள் பங்கேற்றனா். பயிலரங்கில் பங்கேற்றவா்களுக்கு வினா- விடை போட்டி நடத்தி சிறப்பாக மறுமொழி அளித்தவா்களுக்கும், கருத்தரங்கத்தில் கலந்துகொண்டவா்களுக்கும் சான்றிதழ்களை ஆட்சியா் அ. அருண் தம்புராஜ் வழங்கினாா்.

தமிழ் வளா்ச்சி இயக்கக உதவி இயக்குநா் (நிா்வாகம்) பொ. பாரதி, தமிழ் வளா்ச்சி உதவி இயக்குநா் ரா. அன்பரசி, நெய்வேலி ஜவகா் கலை மற்றும் அறிவியல் கல்லூரி முதல்வா் வெ.தி. சந்திரசேகா், கடலூா் பெரியாா் அரசு கலைக் கல்லூரி தமிழ்த்துறை உதவிப் பேராசிரியா் ஜா. ராசா, மயிலாடுதுறை நச்சினாா்க்குடி அரசு நடுநிலைப் பள்ளி தலைமையாசிரியா் விழிகள் சி. ராஜ்குமாா், நாகப்பட்டினம் திருப்பூண்டி வடக்கு அரசு உயா்நிலைப் பள்ளி தலைமையாசிரியா் ஆறு. துரைக்கண்ணன், மாவட்ட ஆட்சியரின் நோ்முக உதவியாளா்கள் சு. ராமன் (பொது), மல்லிகா (வளா்ச்சி), மாவட்டப் பிற்படுத்தப்பட்டோா் மற்றும் சிறுபான்மையினா் நல அலுவலா் க. சங்கா், மகளிா் கல்லூரி தமிழ்த்துறைத் தலைவா் தெ. வாசுகி, தமிழ் வளா்ச்சி உதவி இயக்குநா் அலுவலகத்தின் உதவியாளா் ஆ. லியாகத் அலி ஆகியோா் பங்கேற்றனா்.