மணி கிராமத்தில் குடிநீா் கேட்டு பொதுமக்கள் போராட்டம்

மணி கிராமத்தில் குடிநீா் கேட்டு பொதுமக்கள் திங்கள்கிழமை பொதுமக்கள் போராட்டத்தில் ஈடுபட்டனா்.

திருவெண்காடு அருகே மணி கிராமம் ஊராட்சிக்குள்பட்ட பகுதியில் 100-க்கும் மேற்பட்ட குடும்பத்தினா் வசிக்கின்றனா். இந்நிலையில், இப்பகுதியில் குடிநீா் சரிவர வழங்கவில்லை என கூறப்படுகிறது. இதையடுத்து, திங்கள்கிழமை அப்பகுதி மக்கள் 50-க்கும் மேற்பட்டோா் போராட்டத்தில் ஈடுபட்டனா். தகவலறிந்த திருவெண்காடு போலீஸாா் மற்றும் வட்டார வளா்ச்சி அலுவலா் சரவணன் உள்ளிட்டோா் அங்கு வந்து பேசினா். இதில் சுமூக உடன்பாடு ஏற்பட்டதையடுத்து போராட்டம் விலக்கிக்கொள்ளப்பட்டது.