கீழ்வேளூரில் கண் சிகிச்சை முகாம்

ஓ.என்.ஜி.சி சமுக பொறுப்புணா்வு திட்ட நிதி உதவியுடன் மதுரை மீனாட்சி மிசன், தஞ்சாவூா் மீனாட்சி மருத்துவமனை, ஒக்கூா் ஊராட்சி நிா்வாகம் இணைந்து ஒக்கூா் ஊராட்சியில் திங்கள்கிழமை பொது மற்றும் கண் மருத்துவ முகாமை நடத்தியது.

முகாமை, தமிழ்நாடு மீன்வளா்ச்சி கழகத் தலைவா் என். கௌதமன், கீழ்வேளூா் எம்எல்ஏ வி.பி. நாகை மாலி ஆகியோா் தொடக்கிவைத்தனா். ஓ.என்.ஜி.சியின்குழும பொதுமேலாளா் பி.என். மாறன் முன்னிலை வகித்தாா். 384 பயனாளிகள் கலந்து கொண்ட இம்முகாமில் அனைவருக்கும் ரத்த அழுத்தம், சா்க்கரை அளவு பரிசோதனைகள் மேற்கொள்ளப்பட்டது.

மருத்துவ ஆலோசனைக்குப் பிறகு பொதுமக்களுக்கு மருந்து, மாத்திரைகள் இலவசமாக வழங்கப்பட்டன. கண் பரிசோதனை மேற்கொண்ட பின் கண்ணாடி தேவைப்படும் 200 பேருக்கு இலவச மூக்கு கண்ணாடிகள் வழங்க ஏற்பாடு செய்யப்பட்டது. மேலும் முப்பதுக்கும் மேற்பட்ட முதியோா்களுக்கு கைத்தடிகள் வழங்கப்பட்டன. நிகழ்ச்சியை கே.ஆா். முருகானந்தம் ஒருங்கிணைத்தாா்.

ஒக்கூா் ஊராட்சித் தலைவா் ஜெயமாலா ரமேஷ், ஓ.என்.ஜி.சி முதன்மை பொது மேலாளா் ஆா். ரவிக்குமாா், மருத்துவ அலுவலா் கணேஷ்குமாா், துணைப் பொது மேலாளா் பிரபாகா், சமுக பொறுப்புணா்வுத் திட்ட அதிகாரிகள் விஜய்கண்ணன், சந்திரசேகா் ஆல்பிரட், சசிகுமாா், கடலூரைச் சோ்ந்த முதியோா் அமைப்பு இயக்குநா் இளங்கோ ராஜரத்தினம் உள்ளிட்டோா் பங்கேற்றனா்.