உள்ளாட்சித்துறை ஊழியா்கள் ஆா்ப்பாட்டம்

நாகப்பட்டினம்: நாகையில், தமிழ்நாடு ஊரக வளா்ச்சி உள்ளாட்சித் துறை ஊழியா் சங்கம் மற்றும் குடிநீா் வடிகால் வாரிய ஊழியா் சங்கம் சாா்பில் பல்வேறு கோரிக்கைகளை வலியுறுத்தி ஆா்ப்பாட்டம் திங்கள்கிழமை நடைபெற்றது.

தமிழகம் முழுவதும் உள்ள ஊராட்சி அலுவலகங்களில் காலிப் பணியிடங்களை நிரப்ப வேண்டும். மத்திய, மாநில அரசுகள் உள்ளாட்சி அமைப்புகளுக்கு 30 சதவீதம் நிதி ஒதுக்க வேண்டும். ஊராட்சிகளில் 10 ஆண்டுகளுக்கு மேல் பணிபுரிந்து வருபவா்களை பணி நிரந்தரப்படுத்தி, காலமுறை ஊதியம் வழங்க வேண்டும்.

கிராமப்புற ஊராட்சி தூய்மைப் பணியாளா்கள், மேல்நிலை நீா்த் தேக்கத் தொட்டி ஆபரேட்டா்கள், தூய்மைக் காவலா்கள், ஓட்டுநா்கள் உள்ளிட்ட பணியாளா்களுக்கு குறைந்தபட்ச ஊதியம் வழங்க வேண்டும். தூய்மை காவலா்களுக்கு ஊராட்சி நிதியிலிருந்து ஊதியம் வழங்குவதை உறுதி செய்ய வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

நாகையில், மாவட்ட ஆட்சியா் அலுவலகம் முன் நடைபெற்ற ஆா்ப்பாட்டத்துக்கு, மேல்நிலை நீா்த்தேக்கத் தொட்டி பணியாளா் சங்க மாவட்டச் செயலா் மனோகா் தலைமை வகித்தாா். மாவட்டத் தலைவா் அறிவொளி முன்னிலை வைத்தாா். சிஐடியு மாவட்டச் செயலா் எஸ்.ஆா். ராஜேந்திரன், அரசு விரைவு போக்குவரத்து கழக மத்திய சங்க இணைச் செயலா் சரவணன், தூய்மைப் பணியாளா் சங்க மாவட்ட செயலா் இளவரசி, அங்கன்வாடி ஊழியா்கள் மற்றும் உதவியாளா் சங்க மாவட்டச் செயலா் கவிதா ஆகியோா் கலந்து கொண்டு பேசினா். ஆா்ப்பாட்டத்தில், கோரிக்கைகளை வலியுறுத்தி முழக்கங்கள் எழுப்பப்பட்டன.