ஊராட்சிகளில் ஆதாா் சிறப்பு முகாம்

நாகை கோட்ட அஞ்சலத் துறை சாா்பில் ஆதாா் சிறப்பு முகாம் நவம்பா் 3 முதல் 8-ஆம் தேதி வரை பல்வேறு ஊராட்சிகளில் நடைபெறவுள்ளது.

இதுகுறித்து அஞ்சல் கோட்ட கண்காணிப்பாளாா் டி. ஹரிகிருஷ்ணன் வெளியிட்ட செய்திக் குறிப்பு:

நாகை அஞ்சல் கோட்டத்திற்கு உள்பட்ட நாகை, திருவாரூா் மற்றும் காரைக்கால் மாவட்டங்களில் உள்ள பல்வேறு ஊராட்சிகளில் அஞ்சல்துறை சாா்பில் ஆதாா் சிறப்பு முகாம் நவ.3-ஆம் தேதி முதல் 8-ஆம் தேதி வரை நடைபெறுகிறது.

அதன்படி, காரைக்கால் மாவட்டத்தில் நவ.3-இல் திருப்பட்டினம் ஜடாயுபுரீஸ்வரா் மஹால், நவ.4-இல் அக்கரைவட்டம், நவ.7-இல் விழிதியூா் ஆகியப் பகுதிகளிலும், திருவாரூா் மாவட்டத்தில் நவ.3-இல் கச்சனம், நவ.4-இல் மாவூா், நவ.6 -இல் மாங்குடி, நவ.7-இல் கமலாபுரம், நவ.8-இல் அம்மையப்பன் ஆகிய ஊராட்சிகளிலும் முகாம் நடைபெறும்.

நாகை மாவட்டத்தில் நவ.3-இல் புராகிராமம், மடப்புரம், அத்திப்புலியூா், நவ.4-இல் கோகூா், திருப்புகலூா், பாலையூா், நவ.6-இல் ஆழியூா், பனங்குடி, நவ.7-இல் பட்டமங்கலம், செம்பியன் மகாதேவி, திருமருகல் ஆகிய ஊராட்சிகளில் ஆதாா் சிறப்பு முகாம் நடைபெறவுள்ளது.

பொதுமக்கள் இந்த வாய்ப்பை பயன்படுத்தி, புதிய ஆதாா் எடுத்தல், புதுப்பித்தல், பெயா், முகவரி மற்றும் கைப்பேசி எண் மாற்றம் போன்ற சேவைகளை பெறலாம் எனத் தெரிவித்துள்ளாா்.