மஞ்சக்குடி சுவாமி தயானந்தா கல்லூரியில் இன்று வேலைவாய்ப்பு முகாம்

திருவாரூர் மாவட்டம், குடவாசல் வட்டம்,  மஞ்சக்குடி சுவாமி தயானந்தா கலை மற்றும் அறிவியல் கல்லூரியின் சார்பில் புதன்கிழமை (ஏப். 18) வேலைவாய்ப்பு முகாம் நடைபெறகிறது.
இந்த முகாமில் டி.சி.எஸ்., விப்ரோ, ஆக்ஸிஸ் பேங்க் உள்ளிட்ட  20 -க்கும் மேற்பட்ட முன்னணி நிறுவனங்கள் கலந்துகொள்ள உள்ளன. இதுகுறித்து கல்லூரி முதல்வர் கனகசபேசன் கூறுகையில், மாணவர்களின் நலன் கருதி ஆண்டுதோறும் சுவாமி தயானந்தா கல்வி அறக்கட்டளையின் சார்பாக வேலைவாய்ப்பு முகாமை நடத்தி வருகிறோம். இதுவரை நடைபெற்று முடிந்த வேலைவாய்ப்பு முகாம்களில் 1000-க்கும் மேற்பட்ட இளைஞர்கள் கலந்துகொண்டு, வேலைவாய்ப்பினைப் பெற்றுப் பயனடைந்துள்ளனர். கடந்த ஆண்டு மட்டும் 200-க்கும் மேற்பட்ட மாணவர்கள் வேலைவாய்ப்பினைப் பெற்றுள்ளனர் என்பது குறிப்பிடத்தக்கது. இப்போது நடைபெற உள்ள முகாமில் 500 -க்கும் மேற்பட்ட நபர்களை வேலைக்குத் தேர்வு செய்ய உள்ளனர். இவற்றில் கலந்துகொள்ள விருப்பம் உள்ள திருவாரூர், தஞ்சாவூர், நாகப்பட்டினம் மற்றும் திருச்சி மாவட்டங்களைச் சேர்ந்த இளைஞர்கள் 5 புகைப்பட நகல், ஆதார் கார்டு மற்றும் கல்விச் சான்றுகளின் நகல்கள் 5 கொண்டு வருதல் வேண்டும். முகாமில் கலந்துகொள்பவர்கள் பதிவுக் கட்டணமாக நூறு ரூபாய் செலுத்த வேண்டும் என்றார்.