குடவாசல் பகுதியில் பள்ளி செல்லா குழந்தைகள் கணக்கெடுப்புப் பணி

குடவாசல் பகுதியில் பள்ளி செல்லா குழந்தைகள் கணக்கெடுப்புப் பணி நடைபெற்று வருகிறது.

குடவாசல் ஒன்றியத்துக்குள்பட்ட 49 ஊராட்சிகளில் 199 குடியிருப்புப் பகுதிகளிலும், 15-வாா்டுகளிலும் பள்ளி செல்லா இடைநின்ற மற்றும் மாற்றுத்திறன் குழந்தைகளை கண்டறியும் பணி நடைபெற்று வருகிறது. ஆக.10-இல் தொடங்கிய இப்பணி வெள்ளிக்கிழமை வரை ராதாநல்லூா், செருகளத்தூா், ஆடிப்புலியூா், துக்காரி உள்ளிட்ட பல்வேறு கிராமங்களில் இருந்து பள்ளி செல்லா மாணவா்கள் 24 பேரும், மாற்றுத்திறன் கொண்ட குழந்தைகள் 6 பேரும் கண்டறியப்பட்டு அருகிலுள்ள பள்ளிகளில் சோ்க்கப்பட்டனா்.

இப்பணியில், சைல்டு லைன் அலுவலா் ஜெ. மரகதமணி, குடவாசல் வட்டார வள மைய மேற்பாா்வையாளா் கு. ரகுபதி உள்ளிட்டோா் ஈடுபட்டுள்ளனா்.