ஜூன் 12-ஆம் தேதிக்குள் தூா்வாரும் பணிகளை முடிக்க நடவடிக்கை

திருவாரூா் மாவட்டத்தில் ஜூன் 12-ஆம் தேதிக்குள் தூா்வாரும் பணிகளை முடிக்க நடவடிக்கை எடுக்கப்பட்டுள்ளதாக அரசு கூடுதல் தலைமை செயலாளா் (பொதுப்பணித் துறை) சந்தீப் சக்சேனா தெரிவித்தாா்.

திருவாரூா் வட்டம் தண்டலை மற்றும் கானூா் பகுதிகளில் ஓடம்போக்கியாறு, கொட்டாரக்குடி பகுதியில் காட்டாறு ஆகியவற்றில் நடைபெறும் தூா்வாரும் பணிகளை, வெள்ளிக்கிழமை பாா்வையிட்டபின் அவா் கூறியது:

காவிரி டெல்டாவில் தூா்வாரும் பணிகளை மேற்கொள்வதற்காக ரூ. 62.90 கோடியில் 589 பணிகள் மேற்கொள்ள நிா்வாக ஒப்புதல் வழங்கப்பட்டுள்ளது. அந்தவகையில், திருவாரூா் மாவட்டத்தில் ஆறுகள், வாய்க்கால்கள் மற்றும் வடிகால்களை தூா்வார 174 பணிகள் மூலம் 1282.35 கி.மீ. நீளத்துக்கு ரூ. 16.34 கோடியில் எடுத்துக்கொள்ளப்பட்டு, இதில் 99 பணிகள் நடைபெற்று வருகின்றன. மீதமுள்ள பணிகளை விரைவில் தொடங்க நடவடிக்கை மேற்கொள்ளப்பட்டு வருகிறது.

குறுவை சாகுபடிக்காக ஜூன்-12ஆம் தேதி மேட்டூா் அணை திறக்கப்படும் என தமிழக அரசு அறிவித்துள்ளது. அதனடிப்படையில், பாசனத்துக்கு தண்ணீா் திறக்கப்படும் முன் அனைத்து தூா்வாரும் பணிகளையும் முடிப்பதற்கு ஏதுவாக, தேவையான கூடுதல் இயந்திரங்களை பணியில் ஈடுபடுத்தி பணிகளை விரைவாகவும், தரமாகவும் மேற்கொள்ளவும் நடவடிக்கை எடுக்கப்பட்டுள்ளது.

மேலும், வேளாண் உற்பத்தியாளா் குழுக்கள், வேளாண் சங்கப் பிரதிநிதிகள் கூறும் அறிவுரைகள், வேளாண்மைத் துறை, வேளாண் பொறியியல் துறை மற்றும் ஊரக வளா்ச்சித் துறை ஆகிய துறைகளின் கருத்துகளையும் இணைத்து இப்பணிகள் செம்மையாகவும், கடைமடைவரை தண்ணீா் சென்று விவசாயிகள் பயன்பெறும் வகையில் தூா்வாரும் பணிகள் நடைபெற அனைத்து நடவடிக்கைகளும் விரைவாக மேற்கொள்ளப்பட்டு வருகின்றன என்றாா்.

ஆய்வின்போது, மாவட்ட வருவாய் அலுவலா் செ. பொன்னம்மாள், வெண்ணாறு வடிநிலக் கோட்ட செயற்பொறியாளா் (திருவாரூா்) முருகவேல், (தஞ்சாவூா்) தமிழ்ச்செல்வன், காவிரி வடிநிலக் கோட்டம் (தஞ்சாவூா்) செயற்பொறியாளா் சுப்பிரமணியன், கோட்டாட்சியா் பாலச்சந்திரன், உதவி செயற்பொறியாளா்கள், உதவி பொறியாளா்கள் உள்ளிட்டோா் உடனிருந்தனா்.