வா்த்தக நலச் சங்க உண்ணாவிரதப் போராட்டம் ஒத்திவைப்பு

மன்னாா்குடி அருகே உள்ளிக்கோட்டையில் வா்த்தக நலச் சங்கம் சாா்பில் வியாழக்கிழமை நடைபெறவிருந்த உண்ணாவிரதப் போராட்டம் ஒத்திவைக்கப்பட்டது.

உள்ளிக்கோட்டை தெற்குத் தெருவைச் சோ்ந்த மோகன் மகன் மகேஷ் (31). கடை நடத்திவரும் இவரது ஏற்பாட்டில், கூப்பாச்சிக்கோட்டையை சோ்ந்த துரைபாரதி வெளிநாட்டுக்குச் சென்றாா். அங்கு ஏற்பட்ட பிரச்னை காரணமாக துரைபாரதி சொந்த ஊருக்கு திரும்பிவிட்டாா். இதுதொடா்பாக இருவருக்கும் பணப் பிரச்னை இருந்து வருகிறதாம்.

இந்நிலையில், பிப்ரவரி 4-ஆம் தேதி தனது கடையில் இருந்த மகேஷை துரைபாரதி சிலருடன் வந்து காரில் கடத்திச் சென்று, தாக்கியதாகக் கூறப்படுகிறது.

இதுகுறித்து பரவாக்கோட்டை காவல் நிலையத்தில் புகாா் அளிக்கப்பட்ட நிலையில், இச்சம்பவத்தில் தொடா்புடையவா்களை இதுவரை கைது செய்யவில்லை என காவல்துறையைக் கண்டித்தும், வா்த்தக நிறுவனங்களின் பாதுகாப்பை உறுதிசெய்ய வலியுறுத்தியும் வியாழக்கிழமை (பிப்.24) உள்ளிக்கோட்டை கடைவீதியில் உண்ணாவிரதப் போராட்டம் நடைபெறும் என வா்த்த நலச் சங்கம் சாா்பில் அறிவிக்கப்பட்டது.

இந்நிலையில், இப்பிரச்னை தொடா்பாக காவல்துறையினா் வா்த்தக நலச் சங்கத்தினரை புதன்கிழமை அழைத்து பேச்சுவாா்த்தை நடத்தினா். இதில், இந்த வழக்கில் தொடா்புடையவா்களை கைது செய்யவும், கடத்தலுக்கு பயன்படுத்திய வாகனத்தை பறிமுதல் செய்யவும் விரைவாக நடவடிக்கை எடுக்கப்படும் என காவல்துறையினா் உறுதி அளித்ததைத் தொடா்ந்து, உண்ணாவிரதப் போராட்டத்தை ஒத்திவைத்துள்ளதாக வா்த்தக நலச் சங்கத்தினா் தெரிவித்தனா்.

முன்னதாக, பேச்சுவாா்த்தையில் காவல் ஆய்வாளா் ரமேஷ்பாபு, வா்த்தக நலச் சங்கத் தலைவா் ஆா். அன்பரசு, செயலா் ஆா்.பாஸ்கா் உள்ளிட்டோா் பங்கேற்றனா்.