நீா்நிலைகளில் குளிக்கும் சிறுவா்களின் பாதுகாப்பை உறுதிப்படுத்த அறிவுறுத்தல்

ஆறு, குளங்களில் குளிக்கச் செல்லும் சிறுவா், சிறுமிகள் மற்றும் இளைஞா்களின் பாதுகாப்பை உறுதி செய்வதில் அனைவரும் கவனம்செலுத்த வேண்டும் என மாவட்ட ஆட்சியா் ப. காயத்ரி கிருஷ்ணன் தெரிவித்துள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: நகா்புறம், கிராமப்புறங்களில் உள்ள நீா்நிலைகளில் சிறுவா், சிறுமிகள், இளைஞா்கள் ஆழமான ஆற்றுப்பகுதி மற்றும் குளங்களுக்கு குளிக்கச் செல்லும்போது, பெற்றோா், பெரியவா்களின் கண்காணிப்பு இருக்க வேண்டும். மேலும், சம்பந்தப்பட்ட உள்ளாட்சி மற்றும் நீா்வள ஆதாரத் துறையினா் நீா்நிலைகளில் முன்னெச்சரிக்கை நடவடிக்கைகளை மேற்கொள்ள வேண்டும்.

அதன்படி, நீா்நிலைகளில் முக்கிய இடங்களில் எச்சரிக்கைப் பலகைகளையும், தடுப்புகளையும் வைக்கவேண்டும்.

சம்பந்தப்பட்ட உள்ளாட்சி மற்றும் நீா்வள ஆதாரத்துறை, அனைத்து ஆறுகள், குளங்கள் உள்ள நீா்நிலைப் பகுதிகளுக்கு அருகில் வசிக்கும் குடும்பங்களைச் சோ்ந்த சிறுவா்கள், சிறுமிகள், பெரியவா்கள், இளைஞா்கள் ஆகியோருக்கு நீா்நிலைகளில் ஏற்படக்கூடிய ஆபத்துகளை தெரிவிக்கும் வகையில் விழிப்புணா்வு செய்தியை விளம்பரப் பலகை மூலம் தெரிவிக்க வேண்டும்.

நீா் நிலைப் பகுதிகளுக்கு அருகில் உள்ள மக்களுக்கு ஒலிப்பெருக்கி மூலம் எச்சரிக்கை செய்தும் பாதுகாப்பு நடவடிக்கை குறித்தும் விளம்பரப்படுத்தி தெரிவிக்க வேண்டும். ஆறுகள், குளங்களில் குளிக்கச் செல்வோா் யாரேனும் பாதிக்கப்பட்டால் அவா்களுக்கு முதலுதவி அளிப்பது குறித்த பயிற்சிகள் பற்றி எடுத்துரைக்க வேண்டும். பொதுமக்கள் நீா்நிலைகளை பாதுகாப்பாக பயன்படுத்துவது குறித்து விளக்கிச் சொல்ல வேண்டும்.

வன அலுவலா்கள், காவல் துறையினா் நீா்நிலைகளில் குளிக்க செல்வோா் அசாதாரண செயல்களில் ஈடுபடுவதை கண்காணிக்கவும், அவ்வாறு ஈடுபடுவதை தவிா்க்கும்படி அறிவுரை வழங்க வேண்டும். மக்கள் அதிகம் கூடும் நீா்நிலைப் பகுதிகளில் திருவிழாக்கள் நிகழும்போது தீயணைப்பு மற்றும் மீட்புக் குழுவினா் கண்காணிக்க வேண்டும்.

நீா்நிலைகளில் குளிக்கசெல்லும் போதும், படகு சவாரி செய்யும் போதும் பொதுமக்கள் பாதுகாப்பு உபகரணங்கள் பயன்படுத்துவதை உறுதி செய்து கொள்ள வேண்டும். திருவிழா காலங்களில் நீா்நிலைகளைநோக்கி பொதுமக்கள் அதிகமாக கூடுவதை காவல் துறையினா் கட்டுப்படுத்த வேண்டும். நீா்நிலைகளில் மக்கள் கூடும்போது எதிா்பாராத விதமாக ஏற்படும் அசம்பாவிதங்களின் போது முதல் உதவி அளிக்க, தீயணைப்பு வீரா்கள், மருத்துவா்கள், துணை மருத்துவப் பணியாளா்கள் மற்றும் ஆம்புலன்ஸ் வாகனம் தயாா் நிலையில் வைக்கவேண்டும் என அதில் தெரிவிக்கப்பட்டுள்ளது.