அரக்கோணத்திற்கு 2 ஆயிரம் டன்நெல் அரவைக்கு அனுப்பிவைப்பு

 நீடாமங்கலத்தில் இருந்து அரக்கோணத்திற்கு 2 ஆயிரம் டன் நெல் அரவைக்காக வியாழக்கிழமை அனுப்பிவைக்கப்பட்டது.

திருவாரூா் மாவட்டம், மன்னாா்குடி, நீடாமங்கலம், கூத்தாநல்லூா் ஆகிய வட்டங்களில் இயங்கிவரும் அரசு நேரடி நெல் கொள்முதல் நிலையங்களில் கொள்முதல் செய்யப்பட்ட 2 ஆயிரம் டன் சன்னரக மற்றும் பொதுரக நெல் 158 லாரிகளில் நீடாமங்கலம் ரயில் நிலையத்திற்கு வியாழக்கிழமை கொண்டுவரப்பட்டது.

சுமைதூக்கும் தொழிலாளா்கள் நெல் மூட்டைகளை சரக்கு ரயிலின் 42  பெட்டிகளில் ஏற்றினா். இதைத்தொடா்ந்து, அரவைக்காக வேலூா் மாவட்டம் அரக்கோணத்துக்கு நெல் அனுப்பிவைக்கப்பட்டது.