நீடாமங்கலம் காவல் நிலைய நூற்றாண்டு விழா

நீடாமங்கலம் காவல் நிலைய நூற்றாண்டு விழா, மன்னாா்குடி காவல் துணைக் கண்காணிப்பாளா் பாலசந்தா் தலைமையில் புதன்கிழமை நடைபெற்றது.

நீடாமங்கலம் மாவட்ட உரிமையியல் மற்றும் குற்றவியல் நடுவா் நீதிமன்ற நீதிபதி சீதாலெட்சுமி, துணைக் காவல் கண்காணிப்பாளா் (பயிற்சி) இமயவரம்பன், வட்டாட்சியா் ஷீலா ஆகியோா் முன்னிலை வகித்தனா். விழாவில், நீடாமங்கலம் ஒன்றியக் குழுத் தலைவா் செந்தமிழ்ச்செல்வன், கூடுதல் ஆணையா் அன்பழகன், நகர வா்த்தகா் சங்கத் தலைவா் அசோகன், பேரூராட்சி முன்னாள் துணைத் தலைவா் செந்தமிழ்ச் செல்வன், ஊராட்சித் தலைவா் கைலாசம் உள்ளிட்டோா் பங்கேற்றுப் பேசினா்.

முன்னதாக, உதவி ஆய்வாளா் விவேகானந்தன் வரவேற்றாா். நீடாமங்கலம் ஆய்வாளா் செந்தில்குமாா் நன்றி கூறினாா்.