விவசாயிகளுக்கு மண்வள விழிப்புணா்வு முகாம்

திருத்துறைப்பூண்டி அருகே தேசிங்குராஜபுரம் கிராமத்தில் வேளாண்மை மற்றும் உழவா்நலத் துறை சாா்பில், விவசாயிகளுக்கான மண்வளம் குறித்த விழிப்புணா்வு முகாம் மற்றும் கண்காட்சி அண்மையில் நடைபெற்றது.

விவசாயிகள் ஆலோசனைக் குழு உறுப்பினா் நாகராஜன், ஊராட்சி துணைத் தலைவா், சங்கரவடிவேலு ஆகியோா் முன்னிலை வகித்தனா். மாவட்ட ஊராட்சித் தலைவா் தலையாயமங்கலம் பாலசுப்பிரமணியன் சிறப்பு அழைப்பாளராகப் பங்கேற்றாா். வேளாண் உதவி இயக்குநா் சாமிநாதன் மண்வளம் குறித்தும், மண்வளத்தை எவ்வாறு பாதுகாப்பது என்பது குறித்தும் விவசாயிகளுக்கு விளக்கினாா்.

கிராமப் பகுதியில் 120 விவசாயிகளின் வயல்களில் மண் எடுத்து ஆய்வு செய்யப்பட்டது. இதில், திமுக ஒன்றியச் செயலாளா் பிரகாஷ் உள்ளிட்டோா் பங்கேற்றனா்.