விபத்தில் சிக்கிய மாஞ்சியின் கார்

தில்லியில் பாஜக தேசியத் தலைவர் அமித் ஷாவை சந்தித்து விட்டு திரும்பிக் கொண்டிருந்த பிகார் மாநில முன்னாள் முதல்வர் ஜிதன் ராம் மாஞ்சியின் கார், மற்றொரு காருடன் மோதி திங்கள்கிழமை விபத்துக்குள்ளானது. இதில், யாருக்கும் காயம் ஏற்படவில்லை.

மாஞ்சியின் கார் தில்லியில் ஒரு திருப்பத்தில் திரும்பிக் கொண்டிருந்தபோது, பின்பக்கம் வந்துகொண்டிருந்த மற்றொரு கார் திடீரென பக்கவாட்டில் இணையாக வந்த காரணத்தால், வேகத்தை கட்டுப்படுத்த இயலாமல் அதன் மீது மாஞ்சியின் கார் உரசியது.

இதில் யாரும் காயமடையவில்லை. மாஞ்சியின் காருக்கு சிறிய அளவில் சேதம் ஏற்பட்டது. இந்த விபத்து குறித்து இரு தரப்பினரும் போலீஸாரிடம் புகார் அளிக்கவில்லை.