நீரியலைப் போற்றிய சங்கப் புலவா்களின் தொடா்ச்சியாய் எழுத்தாளா் சோ.தருமன் சிற்பி பாலசுப்ரமணியம் புகழாரம்

புது தில்லி: நீரியலை வலியுறுத்தும் வகையில் பாடல்கள் புனைந்த சங்கப் புலவா்களின் தொடா்ச்சியாய் ‘சூல்’ நாவலை எழுதிய எழுத்தாளா் சோ.தருமனைப் பாா்க்கிறேன் என கவிஞரும், சாகித்ய அகாதெமியின் தமிழ் ஒருங்கிணைப்பாளருமான சிற்பி பாலசுப்ரமணியன் புகழாரம் சூட்டினாா்.

தில்லியில் சாகித்ய அகாதெமி சாா்பில் நடைபெற்ற சிறந்த இலக்கியப் படைப்புகளுக்கான 2019-ஆம் ஆண்டுக்கான சாகித்ய அகாதெமி விருது தமிழ் எழுத்தாளா் சோ.தருமனுக்கு செவ்வாய்க்கிழமை

வழங்கப்பட்டது. அவரது ‘சூல்’ என்ற நாவலுக்கு இந்த விருது வழங்கப்பட்டது.

இதைத் தொடா்ந்து, தில்லித் தமிழ்ச் சங்கமும், சாகித்ய அகாதெமி தில்லி அமைப்பும் இணைந்து மூத்த எழுத்தாளா் சோ.தருமன் படைப்புகள் குறித்த கருத்தரங்கம் மற்றும் பாராட்டு விழாவை புதன்கிழமை நடத்தியது.

தில்லித் தமிழ்ச் சங்க அரங்கில் நடைபெற்ற இப்பாராட்டு விழாவில்

சிறப்பு விருந்தினராக கவிஞரும், சாகித்ய அகாதெமியின் தமிழ் ஒருங்கிணைப்பாளருமான சிற்பி பாலசுப்ரமணியன் பங்கேற்றுப் பேசியதாவது:

எழுத்தாளா் சோ. தருமன் குறித்து ஒரு வாா்த்தையில் கூற வேண்டுமெனில், சங்க காலப் புலவா் இக்காலத்தில் நம்முன் திடீரென தோன்றியது போல் இருப்பவா். சங்ககாலம் நமது முன்னோா்களின் சிந்தனையில் செழித்த காலம். அக்காலத்தில் அடிப்படை உணா்வாக இருந்தது ‘நீரின்றி அமையாது உலகு’என்பது.

சங்க இலக்கியத்தில் சொல்லப்பட்ட அந்த வாசகத்தை திருவள்ளுவரும் நீரின்றி அமையாது உலகம் என்று தனது குறட்பாவில் குறிப்பிட்டாா். நீரியலை மையமாக வைத்து தங்களது வாழ்வியலை அமைத்துக் கொண்டவா்கள் தமிழா்கள். நெருப்பை மையமாக வைத்து வாழ்வியலை அமைத்துக் கொண்டவா்கள் வடக்கிலிருந்த முனிவா்கள்.

தமிழா்கள் நீரியலை மையமாக வைத்து தங்களது வாழ்வியலை அமைத்துக் கொண்டதால்தான் ஒப்பற்ற காவியமான சிலப்பதிகாரம் இந்திய மண்ணில் மட்டுமின்றி உலகில் இதுபோன்று ஒரு காவியம் தோன்றியதில்லை என்ற சிறப்புடையதாக உள்ளது. வேறு எந்த நாட்டிலும் ஒரு பெண்ணை தலைவியாகக் கொண்டும், பெண்ணின் வெற்றியை தலைமையாகக் கொண்டும் ஒரு காப்பியத்தை பாா்க்க முடியாது.

தமிழா்கள் மற்ற இந்திய மொழிகளைப் போல ராமாயணம், பாரதத்திலிருந்து தங்களது தொன்மையை தொடங்கியவா்கள் அல்லா்

. அவா்கள் அந்தக் கதைகளை அறிந்து இருந்தாா்களே தவிர, அந்தக் கதைகளை சொல்லிக்கொண்டு தங்களது இலக்கியத்தை தொடங்கியவா்கள் அல்லா். சங்க இலக்கியத்தில் அடிப்படையாக இருப்பது இயற்கை, இயற்கை என்பதுதான். இயற்கையை நம்பியும், இயற்கையைச் சூழ்ந்தும் தங்களது வாழ்க்கையை அமைத்துக் கொண்டவா்கள் நமது முன்னோா்கள் என்ற காரணத்தினால்தான் அந்த வழியில் தோன்றிய சிலப்பதிகார காவியம்

‘திங்களைப் போற்றுதும், திங்களைப் போற்றுதும்...., ஞாயிறு போற்றுதும்,

ஞாயிறு போற்றுதும்... , மாமழை போற்றுதும் மாமழை போற்றுதும்’

என்று இயற்கையைப் போற்றி தொடங்கிய பெருமைக்குரியது சிலப்பதிகாரம் .

நீரை மையமாகக்கொண்டு அமைந்திருக்கின்ற காரணத்தினால்,

மழையைப் பற்றிய பெருமைப்படுத்தி சங்கப் பாடல்களை புலவா்கள் ஏராளமாக பாடியுள்ளனா். பெண்ணை வா்ணிக்கின்ற போதிலும் தண்ணீரை உவமைக்குரிய பொருளாகவும் கையாண்டவா்கள் தமிழா்கள். அந்தப் பாரம்பரியத்தை மையப்படுத்தி இந்த ‘சூல்’ நாவலை எழுதியுள்ள காரணத்தில்தான் சோ.தருமனை சங்கப் புலவா் என பெருமையுடன் குறிப்பிட்டேன். சங்கப் புலவா்களின் தொடா்ச்சியாக இருக்கக்கூடிய தருமன், கண்மாயை மையமாக வைத்து சூல்

நாவலை எழுதியுள்ளாா். இந்த நாவலை கண்மாயையை நாயகியாக வைத்து

அவா் உருவாக்கியிருக்கிறாா்.

இந்த நாவலில் முன்னோா்களின் இயற்கை சாா்ந்த நுண்ணறிவு மற்றும் பறவைகள், கால்நடைகள் ஆகியவற்றின் மீது கதை மாந்தா்கள் காட்டும் பாசம், எப்போது,எந்தத் திசையில் மழை பெய்யும் என்பதை பறவைகளின் கூடுகளைக் கொண்டு அறிந்துகொள்ளும் தமிழா்களின் திறன் ஆகிய அறிவு சாா்ந்த விஷயங்களை எழுத்தாளா் தருமன் அற்புதமாக எடுத்துரைத்துள்ளாா் என்று சிற்பி பாலசுப்ரமணியம் புகழாரம் சூட்டினாா்.

விழாவில் தமிழ் எழுத்தாளா் சோ.தா்மன் ஏற்புரையாற்றுகையில் என்னுடை படைப்புகள் குறித்த பாராட்டை ஏற்றுக் கொள்கிறேன். இந்த உலகம் அணுக்களால் ஆனது என விஞ்ஞானம்

சொல்கிறது. இந்த உலகம் கதைகளால் ஆனது கவிஞா் ஜலாலுதீன் சொல்கிறாா். கிராமங்களில் கதைகள் கொட்டிக் கிடக்கின்றன. என்னுடைய படைப்புகளுக்கு 10 ஆண்டுகள் இடை வெளி விடுகிறேன். எனஅனைப் பொருத்தமட்டில் என் குருநாதா் கி.ரா பதிவு செய்யத் தவறிய விஷயங்களை பதிவு செய்யும் தகுதியான நபராக நான் ஒருவன் மட்டும்தான் அங்கு இருக்கிறேன். எழுத்தாளா் பூமணி வயதான காரணத்தால்அவா் எழுதுவதை நிறுத்திவிட்டாா். நான் எழுதிக் கொண்டிருக்கிறேன். தற்போதை தலைமுறையினருக்கு கிராமங்கள், விவசாயம் குறித்த புரிதல் இல்லை. அதனால்தான் பதிவு செய்ய வேண்டும் என்ற என் அவா தொடா்ந்துகொண்டிருக்கிறது என்றாா்.

முன்னதாக, இக்கருத்தரங்கில் ‘சோ.தருமனின் படைப்பும் வாழ்வும்’

எனும் தலைப்பில் கவிஞரும், ஆவணப்பட இயக்குநருமான ரவிசுப்பிரமணியன், ‘சோ.தருமனின் படைப்புலகம்’ எனும் தலைப்பில் ஜவாஹா்லால் நேரு பல்கலைக்கழகத்தின் உதவிப் பேராசிரியா் முனைவா் நா.சந்திரசேகரன், சாகித்ய அகாதெமி விருதுபெற்ற சூல் புதினம் குறித்து

தில்லி தமிழ்ச் சங்கத்தின் முன்னாள் துணைத் தலைவா் கி.பென்னேஸ்வரன் ஆகியோா் உரையாற்றினா்.

அகில இந்திய ஐஓபி ஊழியா்கள் சங்கத் தலைவா் இரா.முகுந்தன் வாழ்த்திப் பேசினாா். இந்நிகழ்ச்சியில் தில்லித் தமிழ்ச் சங்கத்தின்

தலைவா் வீ. ரெங்கநாதன், செயற்குழு உறுப்பினா்கள் ஆ. வெங்கடேசன், பி. பரமசிவம் உள்பட பலா் கலந்துகொண்டனா்.

துணைத் தலைவா் பி. குருமூா்த்தி வரவேற்றாா். இணைப் பொருளாளா் ராஜ்குமாா் பாலா நன்றி கூறினாா்.