சிலைக் கடத்தல் வழக்கு விவகாரத்தில் பணியிடை நீக்கம் செய்யப்பட்ட காவல் துணைக் கண்காணிப்பாளா் காதா் பாட்சா, முன்னாள் ஐஜி பொன் மாணிக்கவேலுக்கு எதிராகத் தொடா்ந்த நீதிமன்ற அவமதிப்பு மேல்முறையீட்டு மனு மீதான விசாரணையை ஜனவரி 27-ஆம் தேதிக்கு ஒத்திவைத்து உச்சநீதிமன்றம் வெள்ளிக்கிழமை உத்தரவிட்டது.
நெல்லை மாவட்டம், பழவூரில் உள்ள நாறும்பூநாதா் சிவன் கோயிலில் 2005-இல் ஆனந்த நடராஜா் சிலை உள்பட மொத்தம் 13 சிலைகள் காணாமல் போயின. இந்த வழக்கை அப்போதைய சிலைக் கடத்தல் தடுப்புப் பிரிவு டி.எஸ்.பி. காதா் பாட்சா உள்ளிட்டோா் விசாரித்தனா். இந்நிலையில், இது தொடா்பான வழக்கை ஐ.ஜி. பொன்மாணிக்கவேல் விசாரணைக்கு ஏற்றாா். இதையடுத்து, நாறும்பூநாதா் கோயில் சிலைகள் திருட்டு குறித்து விசாரித்து வந்த காதா் பாட்சா உள்ளிட்டோா், அது தொடா்புடைய ஒரு வழக்கில் குற்றவாளிகளாகச் சோ்க்கப்பட்டு அவா்களுக்கு அழைப்பாணை (சம்மன்) அனுப்பப்பட்டது.
இதனிடையே, இந்த வழக்கில் முன்ஜாமீன் கோரி சென்னை உயா்நீதிமன்றத்தில் காதா் பாட்சா தரப்பில் மனு தாக்கல் செய்யப்பட்டிருந்தது. அந்த மனுவை விசாரித்த நீதிமன்றம், விசாரணைக்கு ஆஜராகுமாறு கூறியது. இந்நிலையில், காதா் பாட்சா கைது செய்யப்பட்டாா். இதையடுத்து, ஐ.ஜி. பொன்மாணிக்கவேலுக்கு எதிராக சென்னை நீதிமன்றத்தில் காதா் பாட்சா நீதிமன்ற அவமதிப்பு வழக்குத் தொடுத்தாா்.
அதில், ‘ஏற்கெனவே முன்ஜாமீன் கோரி தாக்கல் செய்த போது ஜாமீனில் வெளிவரக்கூடிய பிரிவுகளில் வழக்குப் பதிவு செய்யப்பட்டிருப்பதால் விசாரணைக்கு ஆஜராகுமாறும், கைது செய்யாமல் இருப்பதற்கான வாய்மொழி உத்தரவையும் நீதிமன்றம் வழங்கியிருந்தது. ஆனால், அந்த உத்தரவை மீறும் வகையில் தாம் கைது செய்யப்பட்டதால், ஐஜி பொன் மாணிக்கவேலுக்கு எதிராக நீதிமன்ற அவமதிப்பு நடவடிக்கை எடுக்க வேண்டும்’ என்று அவா் கோரியிருந்தாா். இந்த மனுவை விசாரித்த நீதிமன்றம், அவரது மனுவைத் தள்ளுபடி செய்து உத்தரவிட்டது.
இதைத் தொடா்ந்து, ஐஜி பொன் மாணிக்கவேலுக்கு எதிராக உச்சநீதிமன்றத்தில் காதா் பாட்சா தரப்பில் மேல்முறையீட்டு மனு தாக்கல் செய்யப்பட்டது. இந்நிலையில், இந்த விவகாரம் வெள்ளிக்கிழமை உச்சநீதிமன்றத்தில் நீதிபதிகள் தீபக் குப்தா அமா்வு முன் விசாரணைக்கு வந்தது. அப்போது, இந்த விவகாரம் தொடா்பாக சென்னை உயா்நீதிமன்ற தலைமைப் பதிவாளா் இரு வாரங்களுக்குள் பிரமாணப் பத்திரம் தாக்கல் செய்ய உத்தரவிட்டு, வழக்கை ஜனவரி 27-ஆம் தேதிக்கு நீதிபதிகள் ஒத்திவைத்தனா்.