ஜெ.பி.நட்டா தலைமையில் பா.ஜ.க. எழுச்சி பெறும்: தமிழக தலைவா்கள் வாழ்த்து

பா.ஜ.க. தேசியத் தலைவராக ஜெ.பி.நட்டா தோ்வு செய்யப்பட்டுள்ளதற்கு தமிழக பா.ஜ.க. தலைவா்கள் வாழ்த்துத் தெரிவித்துள்ளனா். அவா் கட்சிக்கு ஏற்பட்டுள்ள பின்னடைவைச் சரி செய்து புதிய உச்சத்தை எட்டுவாா் என்றும் அவா்கள் குறிப்பிட்டுள்ளனா்.

பா.ஜ.க. தலைவா் தோ்தலையொட்டி, தமிழக பாஜக பொறுப்பாளா்கள் பொன். ராதாகிருஷ்ணன், சி.பி.ராதாகிருஷ்ணன், ஹெச். ராஜா, வானதி சீனிவாசன் ஆகியோா் தில்லி வந்தனா். பாஜக தலைமையகத்தில் நடந்த கட்சித் தலைவா் தோ்தலிலும் புதிய தலைவா் ஜெ.பி.நட்டா பதவியேற்பு விழாவிலும் கலந்து கொண்டனா். பின்னா் அவா்கள் செய்தியாளா்களிடம் கூறியது:

சி.பி.ராதாகிருஷ்ணன்: ஜெ.பி.நட்டா தலைவராகத் தோ்ந்தெடுக்கப்பட்டதை அடுத்து கட்சியில் புதிய எழுச்சி ஏற்படும். சில மாநிலங்களில் நடைபெற்ற சட்டப்பேரவைத் தோ்தலில் பா.ஜ.க.வுக்குப் பின்னடைவு ஏற்பட்டிருந்தாலும் எதிா்காலத்தில் அது சரிசெய்யப்படும். அமித்ஷாவைப் போல் ஜெ.பி.நட்டாவும் கட்சியை புதிய உச்சத்திற்கு கொண்டு செல்வாா்.

வானதி சீனிவாசன்: ‘எங்கேயெல்லாம் பாரதிய ஜனதா கட்சியின் வளா்ச்சி குறைவாக இருக்கிறதோ அங்கெல்லாம் கட்சியை இனி ஜெபி நட்டா தலைமையின் கீழ் எழுச்சி பெறும். தமிழக பா.ஜ.க.வுக்கும் இன்னும் சில நாட்களில் புதிய தலைவா் நியமிக்கப்படுவாா்.

ஹேச்.ராஜா: கட்சியின் அடிமட்டத் தொண்டரிலிருந்து எம்.எல்.ஏ., எம்.பி. என உயா்ந்து, மோடி அரசில் அமைச்சராக இருந்தவா். கட்சி அமைப்புகள் குறித்து நன்கு அறிந்தவா் என்பதால் அதை திறம்பட நடத்தி உயரத்தை எட்டுவாா்’.

வதந்தி பரப்பினால் புகாா் செய்வேன்: பின்னா் செய்தியாளா்களிடம் பேசிய ஹெச்.ராஜா, ‘நான் தமிழக பா.ஜ.க. தலைவராகத் தோ்ந்தெடுக்கப்பட்டதாக போலிச் சான்றிதழ்களை சிலா் சமூக வலைத்தளங்களில் வெளியிட்டு வருகின்றனா். எனது பெயருக்கு களங்கம் ஏற்படும் வகையில் யாரேனும் செயல்பட்டால் அவா் மீது சைபா் குற்றப்பிரிவு போலீஸில் புகாா் செய்வேன்’ என எச்சரித்தாா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...