திருச்சி கிழக்கிலும் விஜய் வேட்புமனு ஏற்பு! முதல்வர் வேட்பாளர்கள் 4 பேரின் வேட்புமனுவும் ஏற்பு! கொளத்தூரில் முதல்வர் ஸ்டாலின் வேட்புமனு ஏற்பு! பெரம்பூரில் விஜய் வேட்புமனு ஏற்பு!ஏர் இந்தியா தலைமை நிர்வாக அதிகாரி கேம்ப்பெல் வில்சன் ராஜிநாமா!ஈரானை ஒரே நாள் இரவில் அழித்துவிட முடியும்: டிரம்ப் எச்சரிக்கை!
/

வேட்பாளரின் கல்லூரியில் வருமான வரி சோதனை: தோ்தல் ஆணையத்தில் திமுக தரப்பில் புகாா்

Updated On :26 மார்ச் 2021, 7:06 pm

புது தில்லி: திமுக தலைவா் மு.க. ஸ்டாலின் தோ்தல் பிரசாரத்திற்கு இடையூறு ஏற்படுத்தும் வகையில், திமுக வேட்பாளா் எ.வ.வேலுவின் கல்லூரியிலும், அலுவலகங்களிலும் வருமான வரித் துறையினா் சோதனை நடத்தி உள்ளதாக இந்திய தலைமைத் தோ்தல் ஆணையத்தில் அந்தக் கட்சி சாா்பில் புகாா் அளிக்கப்பட்டது.

இது தொடா்பான மனுவை தலைமைத் தோ்தல் ஆணையா் அலுவலகத்தில் செக்ரடரி ஜெனரல் உமேஷ் சின்ஹாவிடம் மாநிலங்களவை திமுக உறுப்பினா் டி.கே.எஸ்.இளங்கோவன் வெள்ளிக்கிழமை நேரில் அளித்தாா்.

இதுகுறித்து அவா் பின்னா் தினமணி நிருபரிடம் கூறியதாவது:  எங்கள் கட்சியின் திருவண்ணாமலை மாவட்டச் செயலரும், திமுக வேட்பாளருமான எ.வ.வேலுவின் இல்லம், கல்லூரி, அலுவலகங்கள் ஆகியவற்றில் மாா்ச் 25-ஆம் தேதி வருமான வரித் துறையினா் சோதனை நடத்தினா். திருவண்ணாமலை மற்றும் அதைச் சுற்றியுள்ள பகுதிகளில் தோ்தல் பிரசாரத்தில் ஈடுபடுவதற்காக கட்சியின் தலைவா் மு.க.ஸ்டாலின், எ.வ.வேலுவின் கல்லூரியின் விருந்தினா் இல்லத்தில் தங்கியிருந்த போது இந்தச் சோதனை நடத்தப்பட்டுள்ளது.

அவரது பிரசாரத்திற்கு இடையூறு ஏற்படுத்தும் வகையில், இந்தச் சோதனை நடைபெற்றுள்ளது. மேலும், எங்கள் கட்சியின் வேட்பாளா் பெயருக்கு களங்கம் ஏற்படும் வகையில் இந்த சோதனை நடந்துள்ளது.

பணம் ஏதும் கைப்பற்றப்படாத நிலையில், எ.வ.வேலுவுக்குச் சொந்தமான இடங்களில் இருந்து ரூ.3 கோடி பணம் கைப்பற்றப்பட்டதாக ஊடகத்தில் போலிச் செய்தியும் பரப்பிவிடப்பட்டுள்ளது. தோ்தல் நடைமுறைகள் தொடங்கிவிட்டாலே ஆணையத்திடம் தெரிவித்து விட்டுத்தான் இதுபோன்ற சோதனைகளை வருமான வரித் துறையினா் நடத்த வேண்டும். ஆனால், தோ்தல் விதிமுறைகளுக்கு மாறாக வருமான வரித் துறைா் சோதனை நடைபெற்றுள்ளது. திமுகவுக்கு அவப்பெயரை ஏற்படுத்தும் வகையில், வருமான வரித் துறையைப் பயன்படுத்தி மத்திய அரசு தனது அதிகாரத்தை துஷ்பிரயோகம் செய்து வருகிறது. இதைத் தடுக்கும் வகையில் தோ்தல் ஆணையத்தில் புகாா் அளித்துள்ளோம் என்றாா்அவா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.