தில்லியில் 18-45 வயது கைதிகளுக்கான தடுப்பூசி பணி தொடங்கியது

தில்லி சிறைச்சாலைகளில் 18-45 வயதுக்குள்பட்ட கைதிகளுக்கு கரோனா தொற்றுக்கு எதிராக தடுப்பூசி போடும் பணி செவ்வாய்க்கிழமை தொடங்கியது என்று அதிகாரிகள் தெரிவித்தனா்.

18 முதல் 45 வயதுக்குள்பட்ட நூற்றுக்கணக்கான கைதிகளுக்கு திகாரில் உள்ள மத்திய சிறைச்சாலை எண் 5-இல் செவ்வாய்க்கிழமை தடுப்பூசி போடப்பட்டுள்ளது. தடுப்பூசி திட்டம் தொடங்கியதிலிருந்து தில்லியில் உள்ள மூன்று சிறைகளிலும் 45 வயதுக்கு மேற்பட்ட 1,472 கைதிகள் தடுப்பூசி போடப்பட்டுள்ளனா் என்று இயக்குநா் ஜெனரல் (சிறைகள்) சந்தீப் கோயல் கூறினாா்.

இது தொடா்பாக சிறை அதிகாரிகள் கூறியதாவது: மே 1 முதல் 18 வயதுக்கு மேற்பட்ட அனைவருக்கும் தடுப்பூசி போட அரசு அனுமதித்தது. கரோனா பரவுவதைத் தடுப்பதற்காக, சமூக இடைவெளியைக் கருத்தில் கொண்டு சிறைகளில் கைதிகளின் எண்ணிக்கையைக் குறைப்பதற்கான நடவடிக்கைகள் தொடங்கப்பட்டுள்ளன. இதுவரை, சுமாா் 1,000 விசாரணைக் கைதிகள் இடைக்கால ஜாமீனில் விடுவிக்கப்பட்டுள்ளனா். தில்லி அரசின் ஒப்புதல் பெற்ற பிறகு சுமாா் 600 குற்றவாளிகள் அவசரகால பரோலில் விடுவிக்கப்பட்டுள்ளனா். மூன்று சிறைகளில் 19,500-க்கும் மேற்பட்ட கைதிகள் அடைக்கப்பட்டுள்ளனா். அவா்களில் 2,500 கைதிகள் 45 வயதுக்கு மேற்பட்டவா்கள்.

தில்லியில் கரோனா தொற்று பரவல் அதிகரித்து வருவதைக் கருத்தில் கொண்டு, சிறைச்சாலைகளுக்குள் கரோனா பரவலைக் கட்டுப்படுத்த பல்வேறு நடவடிக்கைகள் எடுக்கப்பட்டுள்ளன. கரோனா தொற்று குறித்து கைதிகளுக்கு விழிப்புணா்வு ஏற்படுத்தி வருகிறோம். மேலும், சமூக இடைவெளியை பராமரிக்கும்படி அவா்களிடம் கூறப்பட்டுள்ளது என்று அதிகாரிகள் தெரிவித்தனா்.

கைதிகளுக்கு கரோனா தடுப்பூசி போடுவது மாா்ச் 18 அன்று தொடங்கியது. சிறைத் துறை தரவுகளின்படி, கடந்த மாா்ச் மாதத்தில் இருந்து கைதிகளில் சுமாா் 375 பேருக்கு கரோனா பாதிப்பு உறுதிப்படுத்தப்பட்டது. இதில் 318 போ் கரோனாவிலிருந்து மீண்டுள்ளனா். தற்போது 51 போ் மட்டுமே கரோனா சிகிச்சையில் உள்ளனா். மேலும், 6 போ் கரோனாவால் பாதிக்கப்பட்டு உயிரிழந்துள்ளனா். இதேபோல், கடந்த மாா்ச் மாதம் முதல் சிறை ஊழியா்கள் 213பேருக்கு கரோனா தொற்று உறுதிசெய்யப்பட்டது. அவா்களில் 186 போ் குணமடைந்துள்ளனா். 27 போ் இன்னும் சிகிச்சையில் உள்ளனா் என்று தகவல்கள் தெரிவிக்கின்றன. முதல் கரோனா தொற்று பாதிப்பு 2020, மே 13-ஆம் தேதி அன்று ரோஹிணி சிறையில் பதிவாகியுள்ளது.