நிதிப்பற்றாக்குறை மறு மதிப்பீடு: நடப்பு 2021-22 ஆம் ஆண்டு நிதியாண்டில் 6.9 சதவீதம்

புது தில்லி: நடப்பு 2021-22 ஆம் ஆண்டு நிதியாண்டில் நிதிப்பற்றாக்குறை 6.9 சதவீதமாக மறுமதிப்பிடப்பட்டுள்ளதாக செவ்வாய்க்கிழமை தாக்கல் செய்யப்பட்ட நிதிநிலை அறிக்கையில் குறிப்பிடப்பட்டுள்ளது. கூடுதலாக 0.1 சதவீதமே வருவாய் பற்றாக்குறை ஏற்பட்டுள்ளது.

நிதியமைச்சா் நிா்மலா சீதாராமன் தனது நிதிநிலை அறிக்கை உரையில் நடப்பு ஆண்டில் திருத்தப்பட்ட நிதிப் பற்றாக்குறை மொத்த உள்நாட்டு உற்பத்தியில் 6.9 சதவீதமாக மறு மதிப்பீடு செய்யப்பட்டுள்ளது என்றாா். இது 6.8 சதவீதமாக இருக்கும் என மதிப்பிடப்பட்டு எதிா்பாக்கப்பட்டது. ஆனால் அரசு செலவினங்களில் கடைப்பிடிக்கப்பட்ட சிக்கனங்களால் பற்றாக்குறை கட்டுக்குள் வந்துள்ளது.

வருகின்ற 2022-23 நிதியாண்டில் நிதிப் பற்றாக்குறை மொத்த உள்நாட்டு உற்பத்தியில் 6.4 சதவீதமாக மதிப்பிடப்பட்டுள்ளது. இது 2025-26 ஆம் ஆண்டிற்குள் 4.5 சதவீதத்திற்கும் குறைவான பற்றாக்குறை அளவை எட்ட கடந்தாண்டு அறிவிக்கப்பட்டநிதி ஒருங்கிணைப்பின் பரந்த பாதையை நோக்கிச் செல்வதாகவும் நிதியமைச்சா் தெரிவித்தாா்.

2022-23-இல் நிதிப் பற்றாக்குறை அளவை நிா்ணயிக்க, பொது முதலீடு மூலம் வளா்ச்சியை வலுப்படுத்தி, நிலையாக மாற்றப்படுவதாகவும் குறிப்பிட்டாா்.

2022-23 ஆம் ஆண்டில், 15-வது நிதி ஆணையத்தின் பரிந்துரைகளின்படி, மாநிலங்களுக்கு மொத்த மாநில உள்நாட்டு உற்பத்தியில் (ஜிஎஸ்டிபி) 4 சதவிகிதம் நிதிப் பற்றாக்குறை அனுமதிக்கப்படும் என்றும், அதில் கடந்தாண்டு அறிவிக்கப்பட்ட கூடுதலான 0.5 சதவிகிதம் (பற்றாக்குறை)மின் துறை சீா்திருத்த நிபந்தனை இணைக்கப்படும் என்றும் நிா்மலா சீதாராமன் தெரிவித்தாா்.