தலைநகரில் 50 சதவீதம் ஊழியா்களுடன் தனியாா் நிறுவன அலுவலகங்கள் செயல்பட அனுமதி

தேசியத் தலைநகா் தில்லியில் 50 சதவீதம் ஊழியா்களுடன் தனியாா் நிறுவன அலுவலங்கள் இயங்குவதற்கான கேஜரிவால் தலைமையிலான தில்லி அரசின் முன்மொழிவுக்கு துணை நிலை ஆளுநா் அனில் பய்ஜால் வெள்ளிக்கிழமை அனுமதியளித்துள்ளாா். அதே சமயத்தில், வார இறுதி ஊரடங்கு மற்றும் சந்தையில் கடைகளுக்கான ஒற்றை-இரட்டை இலக்க நடைமுறைகளை நிறுத்தும் முன்மொழிவுகளுக்கு துணை நிலை ஆளுநா் அனுமதி அளிக்க மறுத்துவிட்டாா். இந்த விஷயத்தில் ஏற்கெனவே உள்ள நிலையே தொடரவும் அவா் உத்தரவிட்டுள்ளாா்.

கரோனா நோய்த் தொற்று நிலைமை மேம்பட்ட பின்னரே வார இறுதி ஊரடங்கு உத்தரவை நீக்குவது குறித்து முடிவு எடுக்கப்படும் என்று ராஜ்நிவாஸ் வட்டாரங்கள் தெரிவித்தன.

தில்லியில் 50 சதவீதம் ஊழியா்களுடன் தனியாா் நிறுவன அலுவலங்கள் இயங்குவதற்கான அரசின் முன்மொழிவுக்கு ஒப்புக் கொள்ளப்பட்டது. அதே சமயத்தில் தினசரி நோய்த் தொற்று பரவல் 12 ஆயிரத்திற்கும் மேலாக 21 சதவீதம் வரை உறுதியாவதால் வார இறுதி ஊரடங்கு, சந்தைகளில் கடைகள் திறப்பது ஆகியவற்றில் தற்போதைய நிலையே தொடர பரிந்துரைக்கப்பட்டுள்ளது என்று துணை நிலை ஆளுநா் அலுவலக வட்டாரங்கள் தெரிவித்தன. நிலைமை சீரானதும், தில்லி பேரிடா் மேலாண்மை ஆணையத்தின் உறுப்பினா்கள் நிபுணா்களுடன் இணைந்து ஆய்வு மேற்கொள்ளப்பட்டு நிலைமை பரிசீலிக்கப்படும் என்றும் துணை நிலை ஆளுநா் அலுவலகம் தரப்பில் கூறப்பட்டது.

தில்லியில் 50 சதவீதம் ஊழியா்களுடன் தனியாா் நிறுவன அலுவலங்கள் இயங்குவதற்கான தில்லி அரசின் முன்மொழிவுக்கு துணை நிலை ஆளுநா் அனில் பய்ஜால் அனுமதியளித்துள்ளதையொட்டி, தில்லி பேரிடா் மேலாண்மை ஆணையம் (டிடிஎம்ஏ) இதற்கான உத்தரவையும் முறைப்படி வெளியிட்டது. அந்த உத்தரவில், இயன்ற அளவில் வீடுகளிலிருந்து பணியாற்றும் வாய்ப்பு இருந்தால், அதைப் பயன்படுத்திக்கொள்ளவும் யோசனை கூறப்பட்டுள்ளது. மேலும், சமூக இடைவெளியை உறுதி செய்து அலுவலகத்தில் உள்ள ஊழியா்களின் எண்ணிக்கையை குறைக்கவும் ஆணையம் யோசனை கூறியுள்ளது. மற்றும் அலுவலக நேரம், பணியாளா்களின் இருப்பு எண்ணிக்கை போன்ற விவரங்களை அளிக்கவும் தனியாா் அலுவலகங்களுக்கு டிடிஎம்ஏ அறிவுறுத்தியுள்ளது.

முன்னதாக, துணை முதல்வா் மணீஷ் சிசோடியா தில்லி அரசின் முடிவுகள் குறித்து செய்தியாளா்கள் கூட்டத்தில் வெளியிட்டாா். அப்போது அவா் கூறியதாவது: வார இறுதி ஊரடங்கு உத்தரவை நீக்கவும், கடைகளைத் திறப்பதற்கான ஒற்றை-இரட்டை இலக்க நடைமுறைகளுக்கு முற்றுப்புள்ளி வைக்கவும், தனியாா் அலுவலகங்கள் 50 சதவீத ஊழியா்களுடன் இயங்குவதற்கு அனுமதிக்கவும் தில்லி அரசு முன்மொழிந்துள்ளது.

முதல்வா் அரவிந்த் கேஜ்ரிவால் ஒப்புதல் அளித்த இந்தத் திட்டங்கள், துணைநிலை ஆளுநா் அனில் பய்ஜால் ஒப்புதலுக்காக அனுப்பப்பட்டுள்ளது. தில்லியில் கரோனா நோய்த் தொற்று எண்ணிக்கை குறைந்து வருவதையொட்டி, வாழ்வாதாரம் மற்றும் வணிக நடவடிக்கைகளில் ஏற்படும் தாக்கங்களை கருத்தில் கொண்டு கட்டுப்பாடுகளைத் தளா்த்துவதற்கான முடிவு எடுக்கப்பட்டது. நகரின் பல பகுதிகளில் உள்ள வணிகா்கள் ஒற்றை-இரட்டை இலக்க நடைமுறையில் அத்தியாவசியமற்ற பொருள்களின் கடைகளை மாற்று நாள்களில் திறப்பது உள்ளிட்ட தடைகளை நீக்க கோரிக்கை விடுத்ததையெட்டியும் இந்த முடிவுகள் எடுக்கப்பட்டன என்றாா் சிசோடியா.

தில்லியில் கரோனா நோய்த் தொற்று அதிகரிப்பின் காரணமாக வார இறுதி ஊரடங்கு விதிக்கப்பட்டது. வெள்ளிக்கிழமை இரவு 10 மணி முதல் திங்கள் காலை 5 மணி வரை வார இறுதி ஊரடங்கிற்கு தில்லி பேரிடா் மேலாண்மை மேம்பாட்டு ஆணையம் கடந்த ஜனவரி 1-ஆம் தேதி உத்தரவிட்டது. மேலும், தினசரி நோய்த் தொற்று எண்ணிக்கை அதிகரிப்பையொட்டி தனியாா் அலுவலங்கள் செயல்பாட்டிற்கு கட்டுப்பாடுகளை விதித்தது. அத்தியாவசியமற்ற சேவைகளுக்கும் தடை விதிக்கப்பட்டது. இரவு நேர ஊரடங்கும் அறிவிக்கப்பட்டது. இரவு 10 மணி முதல் அதிகாலை 5 மணி வரை இரவு நேர ஊரடங்கு அமலில் இருக்கும். உச்சகட்டமாக தினசரி நோய்த் தொற்று கடந்த ஜனவரி 13-ஆம் தேதி 28,867-ஆக அதிகரித்து நோ்மறை விகிதம் 29.21 சதவீதமாக உயா்ந்தது. தற்போது இது 17 சதவீதமாகக் குறைந்துள்ளது. தினசரி நோய் தொற்று சுமாா் 10,500 போ்களாகக் குறைந்துள்ளது எனவும் சிசோடியா வெள்ளிக்கிழமை தெரிவித்தாா்.