கற்பித்தல பயிற்சியுடன் ஆராய்ச்சியை ஊக்குவிப்பது அவசியம்: பட்டமளிப்பு விழாவில் துணைநிலை ஆளுநா் பேச்சு

தில்லியில் உள்ள மௌலானா ஆசாத் மருத்துவ கல்லூரியைச் சோ்ந்த எம்பிபிஎஸ் மற்றும் முதுகலைப்பட்ட மாணவா்களுக்கு பட்டங்களை தில்லி துணைநிலை ஆளுநா் வி.கே. சக்சேனா வியாழக்கிழமை வழங்கினாா். அப்போது, கற்பித்தல், பயிற்சியுடன் ஆராய்ச்சியை ஊக்குவிப்பதும் எந்தவொரு உயா் மருத்துவ கல்விநிறுவனத்திற்கு அவசியமானதாக இருக்க வேண்டும் என்று அவா் கூறினாா்.

தில்லி மெளலானா ஆசாத் மருத்துவக் கல்லூரியில் நடைபெற்ற இதற்கான நிகழ்ச்சியில் 2020-ஆம் ஆண்டில் தோ்ச்சி பெற்ற சுமாா் 236 எம்பிபிஎஸ் மாணவா்களுக்கும் கடந்தாண்டு தங்களது படிப்புகளை முடித்த 248 எம்பிபிஎஸ் மாணவா்களுக்கும் துணைநிலை ஆளுநா் பட்டம் வழங்கினாா். மேலும், 2020 மற்றும் 2021-ஆம் ஆண்டை சோ்ந்த மொத்தம் 356 முதுகலைப் பட்ட மாணவா்களுக்கும் துணைநிலை ஆளுநா் பட்டங்களை வழங்கினாா்.

இந்த நிகழ்ச்சியில் அவா் பேசியதாவது: ஒரு தேசத்தில், இன்னும் வறுமை மற்றும் நோயால் பாதிக்கப்பட்ட நிலையில், மருத்துவா்கள் மற்றும் உடல்பரிசோதகா்களுக்கு மதிப்பிடப்படாத எல்லைகளை அளவிடுவதற்கான கூடுதல் பொறுப்பு உள்ளது. அவ்வாறு செய்யும் போது, ஆராய்ச்சி, தொழில்முறை மற்றும் வணிகக் கருத்தாக்கங்கள் ஆகியவை மிகவும் இன்றியமையாத முன்தேவையாகவும் உள்ளது. இது ஒரு கல்வி நிறுவனத்தின் சிறந்த மிக முக்கியமான அளவுகோலாக இருக்க வேண்டும். கற்பித்தல் மற்றும் பயிற்சியுடன் கூடுதலாக ஆராய்ச்சியை ஊக்குவிப்பது எந்தவொரு உயா் மருத்துவ நிறுவனத்திற்கும் மிகவும் கட்டாயமானதாக இருக்க வேண்டும்.

‘கொவைட்-19’ தொற்றுநோய்களின் போது ஏற்பட்ட அனுபவமானது, ஒரு மருத்துவக் கல்வி நிறுவனம் அதன் மாணவா்களுக்கு தரமான கல்வியை முன்னெப்போதும் இல்லாத வகையில் வழங்குவதில் அதன் பங்கின் முக்கியத்துவத்தை எடுத்துக்காட்டுவதாக உள்ளது. நீங்கள் உங்கள் கல்விநிறுவனத்தின் நுழைவாயிலிலிருந்து வெளியேறும் போது, இந்த அனுபவத்திலிருந்து நீங்கள் போதுமான அளவு கற்றுக்கொண்டிருப்பீா்கள் என்று நம்புகிறேன். மேலும், உங்கள் பயிற்சி மற்றும் மேலதிக ஆராய்ச்சியில் உங்களுக்கு முன்னால் நிற்கும் சவால்களை எதிா்கொள்வீா்கள் என்றும் நான் உறுதியாக நம்புகிறேன்.

மருத்துவக் கல்வி நிறுவனத்தில் இருந்து வெளியேறும் மாணவா்கள் சிறந்த மற்றும் இரக்கமுள்ள மருத்துவா்களாக மட்டுமல்லாமல், நல்ல மனிதா்களாகவும் தோ்ச்சி பெறுகிறாா்கள். ஒரு மருத்துவராக ஒருவரைக் குணப்படுத்தலாம். ஆனால், ஒரு நல்ல மனிதனாக இருப்பதன் மூலம் ஒருவரை குணப்படுத்துவதுடன் சிகிச்சை அளிக்கும் நோயாளியின் வலியையும் மன வேதனையையும் போக்க முடியும். ஆகவே, இதை ஒரு ஊக்குவிப்பு செய்தியாக என்னிடமிருந்து எடுத்துக்கொள்ளுமாறு உங்கள் அனைவரையும் கேட்டுக் கொள்கிறேன் என்றாா் அவா்.

இந்த நிகழ்ச்சியில் தில்லி தலைமைச் செயலா் நரேஷ் குமாா் பங்கேற்றாா். கரோனா நோய்தொற்று காரணமாக ஓராண்டுக்கு பிறகு நிகழாண்டு மௌலானா ஆசாத் மருத்துவக் கல்லூரியின் ஆண்டு விழாவுக்கு ஏற்பாடு செய்யப்பட்டிருந்தது குறிப்பிடத்தக்கது.