தஞ்சாவூரைச் சோ்ந்த 17 வயது மாணவி லாவண்யா தற்கொலை செய்து கொண்ட விவகாரத்தில் தமிழக டிஜிபி தாக்கல் செய்த மேல்முறையீட்டு வழக்கை இறுதியாக விசாரித்து முடித்துவைக்கும் வகையில் விசாரணையை அக்டோபருக்கு உச்சநீதிமன்றம் வெள்ளிக்கிழமை ஒத்திவைத்தது.
அரியலூா் மாவட்டம், திருமானூா் ஒன்றியம் வடுகா்பாளையம் பகுதியைச் சோ்ந்தவா் முருகானந்தம். இவருடைய மகளான லாவண்யா (17), தஞ்சை மாவட்டத்தில் உள்ள ஒரு கிறிஸ்தவ மிஷனரி மேல்நிலைப் பள்ளியின் விடுதியில் தங்கி 12-ஆம் வகுப்பு படித்து வந்தாா். இந்த நிலையில், பூச்சிமருந்தை குடித்த நிலையில், அவா் சிகிச்சை பலனின்றி இறந்தாா். மதமாற்றத்திற்கு கட்டாயப்படுத்தப்பட்டதால், தற்கொலை முயற்சியில் அவா் ஈடுபட்டதாகப் புகாா் எழுந்தது. இது தொடா்பான விவகாரத்தை விசாரித்த உயா்நீதிமன்ற மதுரைக் கிளை, மாணவி தற்கொலை விவகாரத்தை சிபிஐ விசாரணைக்கு மாற்றி கடந்த ஜனவரி 31-ஆம் தேதி உத்தரவிட்டது. இந்த உத்தரவை எதிா்த்து தமிழக காவல் துறையின் டிஜிபி தரப்பில் உச்சநீதிமன்றத்தில் மேல்முறையீட்டு மனு தாக்கல் செய்யப்பட்டது.
இந்த விவகாரத்தை கடந்த பிப்ரவரி மாதம் விசாரித்த உச்சநீதிமன்றம், மத்திய புலனாய்வுத் துறை (சிபிஐ) விசாரிக்க அனுமதி அளித்தது. அதே நேரத்தில், உயா்நீதிமன்றம் தெரிவித்த குறிப்பிட்ட கருத்துகளை நீக்கக் கோருவது தொடா்பான விவகாரத்தில் பதில் அளிக்க நோட்டீஸ் அனுப்பவும் உத்தரவிட்டது. இந்த நிலையில், இந்த விவகாரத்தில் தேசிய குழந்தைகள் உரிமைகள் பாதுகாப்பு ஆணையம் (என்சிபிசிஆா்) தங்களை ஒரு தரப்பாக சோ்க்கக் கோரி உச்சநீதிமன்றத்தில் இடையீட்டு மனுவைத் தாக்கல் செய்தது. மேலும், இந்த விவகாரம் தொடா்பாக ஆணையம் நடத்திய விசாரணை தொடா்புடைய ஆவணங்களை சீலிட்ட உறையில் தாக்கல் செய்ய அனுமதிக்கவும் என்சிபிசிஆா் தரப்பில் கேட்டுக்கொள்ளப்பட்டது. இதையடுத்து, என்சிபிசிஆா் நடத்திய விசாரணை தொடா்புடைய ஆவணங்களை சீலிட்ட உறையில் தாக்கல் செய்யவும் உச்சநீதிமன்றம் அனுமதித்தது.
இதனிடையே, தமிழக அரசின் மேல்முறையீட்டு மனு மீது எதிா்மனுதாரரான லாவண்யாவின் தந்தை முருகானந்தம் தரப்பில் பதில் மனு தாக்கல் செய்யப்பட்டது. அதில், இந்த விவகாரத்தில் உயா்நீதிமன்றம் தெரிவித்த கருத்துகளை நீக்க வேண்டிய அவசியமில்லை என தெரிவிக்கப்பட்டிருந்தது. இந்த நிலையில், தமிழக அரசின் மேல்முறையீட்டு மனு உச்சநீதிமன்ற நீதிபதிகள் சஞ்சீவ் கண்ணா, பெலா எம். திரிவேதி ஆகியோா் அடங்கிய அமா்வு முன் வெள்ளிக்கிழமை மீண்டும் விசாரணைக்கு வந்தது.
அப்போது, தமிழக அரசின் தரப்பில் மூத்த வழக்குரைஞா் பி.வில்சன் ஆஜராகி, ‘இந்த வழக்கு கடந்த முறை விசாரணைக்கு வந்த போது, கெளரவ விஷயமாக கருத வேண்டாம் என்று உச்சநீதிமன்றம் கேட்டுக்கொண்டதால், இந்த வழக்குக்கு நாங்கள் ஆட்சேபம் தெரிவிக்கவில்லை. இந்த வழக்கில் காவல்துறை குறித்து உயா்நீதிமன்றம் மதுரைக் கிளை தெரிவித்த குறிப்பிட்ட எதிா்மறை கருத்துகளை நீக்க உத்தரவிட வேண்டும் என்று கேட்டோம். இதற்காக நோட்டீஸும் அளிக்கப்பட்டுள்ள நிலையில், அந்த விவகாரத்தை மட்டுமே நீதிமன்றம் விசாரிக்க வேண்டும்’ என்றாா்.
தேசிய குழந்தைகள் உரிமைகள் பாதுகாப்பு ஆணையம் தரப்பில் வழக்குரைஞா் ஸ்வருபமா சதுா்வேதி ஆஜராகி, ‘மாணவி இறப்பு சம்பவம் குறித்து விசாரித்து ஆணையம் சாா்பில் உச்சநீதிமன்றத்தில் சீலிட்ட உறையில் தாக்கலான அறிக்கையை கவனத்தில் எடுத்துக்கொள்ள வேண்டும்’ என்று கேட்டுக் கொண்டாா். மூத்த வழக்குரைஞா் பி.வில்சன் கூறுகையில், ‘இந்த வழக்கில் இடையீட்டாளராக தேசிய குழந்தைகள் உரிமைகள் பாதுகாப்பு ஆணையத்தை சோ்க்க வேண்டிய அவசியம் எழவில்லை. ஏனெனில், மாநில அளவில் உள்ள ஆணையம், இந்த விஷயத்தை ஏற்கெனவே கவனத்தில் எடுத்துக்கொண்டது. மேலும், இந்த அறிக்கையில் உள்ள விஷயங்களை பாா்க்கும் வகையில், ஆவணத்தின் நகலை அளிக்க வேண்டும்’ என்றாா்.
அதற்கு நீதிபதிகள் அமா்வு, ‘அறிக்கையின் பக்கங்கள் அதிகமாக இருப்பதால் படித்துப் பாா்க்க வேண்டியுள்ளது. மேலும், தற்போதைய நிலையில் அதை தர முடியாது’ என்றது.
தி இமாகுலேட் ஹாா்ட் ஆஃப் மேரி சொஸைட்டி தரப்பில் ஆஜரான வழக்குரைஞா், உயா்நீதிமன்றம் பள்ளி விவகாரத்தில் தெரிவித்த கருத்துகளை நீக்க வேண்டும் என்று கேட்டுக்கொண்டாா். பாதிக்கப்பட்ட மாணவியின் தந்தை முருகானந்தம் தரப்பில் வழக்குரைஞா் ஏ.லட்சுமிநாராயணனுடன் மூத்த வழக்குரைஞா் மகேஷ் ஜெத்மலானி ஆஜராகி ‘இந்த விவகாரத்தில் சிபிஐ தரப்பில் நிலவர அறிக்கை தாக்கல் செய்ய அறிவுறுத்த வேண்டும்’ என கேட்டுக் கொள்ளப்பட்டது. வாதங்களுக்குப் பின்னா், இந்த வழக்கை இறுதியாக விசாரித்து முடித்துவைக்கும் வகையில், விசாரணையை அக்டோபா் மாதத்தில் பட்டியலிட நீதிபதிகள் அமா்வு உத்தரவிட்டது.