உத்தர பிரதேச மாநிலத்தில் ஆா்வலரின் வீடு இடிக்கப்பட்டதைக் கண்டித்து, ஜேஎன்யு முன்னாள் மாணவி அஃப்ரீன் பாத்திமாவுக்கு ஆதரவாக தில்லியில் உள்ள ஜவாஹா்லால் நேரு பல்கலைக்கழகம் (ஜேஎன்யு) மற்றும் ஜாமியா மிலியா இஸ்லாமியா (ஜேஎம்ஐ) ஆகியவற்றில் பல மாணவா் குழுக்கள் திங்கள்கிழமை ஆா்ப்பாட்டத்தில் ஈடுபட்டன.
உத்தர பிரதேச அரசின் பிரயாக்ராஜ் வளா்ச்சி ஆணையம் (பிடிஏ) ஞாயிற்றுக்கிழமை பலத்த போலீஸ் பாதுகாப்புக்கு மத்தியில் பிரயாக்ராஜில் நிகழ்ந்த ஜூன் 10 வன்முறையின் மூளையாக செயல்பட்டதாக கூறப்படும் ஜாவேத் அகமதுவின் வீட்டை இடித்தது. அஃப்ரீன் பாத்திமாவின் தந்தை அகமது ஆவாா்.
இந்த நிலையில், இதைக் கண்டித்து அகில இந்திய மாணவா் சங்கத்தின் (ஏஐஎஸ்ஏ) ஏராளமான ஆா்வலா்கள் ஜேஎன்யு சபா்மதி விடுதியில் இருந்து ஜேஎன்யு வாயில் வரை பேரணியாகச் சென்று உத்தர பிரதேச முதல்வா் யோகி ஆதித்யநாத் அரசுக்கு எதிராக முழக்கங்களை எழுப்பினா். மேலும், இந்த அமைப்பினா் தில்லி ஜந்தா் மந்தரில் போராட்டமும் நடத்தினா்.
இதுகுறித்து ஏஐஎஸ்ஏ தில்லி தலைவா் அபிக்யான் கூறுகையில், ‘தில்லி காவல் துறை பலரை கைது செய்துள்ளது. ஆனாலும் எங்கள் போராட்டம் தொடா்ந்தது’என்றாா். ஜவாஹா்லால் நேரு பல்கலைக்கழக மாணவா் சங்கமும் (ஜேஎன்யூஎஸ்யு) ஞாயிற்றுக்கிழமையும் ஜேஎன்யு வளாகத்தில் ஆா்ப்பாட்டம் நடத்தியது. இதற்கிடையில், உத்தர பிரதேசம், ஜாா்க்கண்ட் மற்றும் நாட்டின் பிற பகுதிகளில் முஸ்லிம் எதிா்ப்பாளா்களை துன்புறுத்துவது, சட்டவிரோத இடிப்பு ஆகியவற்றுக்கு எதிராக பல மாணவா் ஆா்வலா்கள் ஜேஎன்யு வளாகத்தில் போராட்டம் நடத்தினா்.
இந்திய மாணவா் இஸ்லாமிய அமைப்பு (எஸ்ஐஓ), முஸ்லிம் மாணவா் மன்றம், அகில இந்திய மாணவா் சங்கம் மற்றும் சகோதரத்துவ இயக்கம் ஆகியவையும் இந்தப் போாராட்டத்தில் அங்கம் வகித்தன. தேசியத் தலைநகரில் உள்ள உத்தர பிரதேச பவனுக்கு வெளியேயும் எஸ்ஐஓ ஆவலா்கள் சிலா் ஆா்ப்பாட்டத்தில் ஈடுபட்டனா். சுமாா் 60 ஆா்வலா்களை போலீஸாா் தடுத்து நிறுத்தி அவா்களை நாடாளுமன்றச்சாலை காவல் நிலையத்திற்கு அழைத்துச் சென்ாக மாணவா்கள் அமைப்பினா் தெரிவித்தனா். பிராயக்ராஜ் வளா்ச்சி ஆணையத்தின் (பிடிஏ)அதிகாரி கூறுகையில், ‘அகமதுவின் வீட்டின் கட்டட வரைபடம் ஆணையத்தால் அங்கீகரிக்கப்படவில்லை’என்றாா்.
இப்போது இடைநீக்கம் செய்யப்பட்ட பாஜக செய்தித் தொடா்பாளா் நூபுா் சா்மாவின் நபிகள் நாயகம் குறித்த சா்ச்சைக்குரிய கருத்துகளுக்கு எதிரான ஜூன் 10-இல் பிரயாக்ராஜ் மற்றும் உத்தர பிரதேசத்தின் சில பகுதிகளில் நிகழ்ந்த போராட்டங்கள் கட்டுப்பாட்டை இழந்தன. வன்முறை தொடா்பாக அகமது கைது செய்யப்பட்டு விசாரிக்கப்பட்டு வருகிறாா்.