மத்திய உணவு, நுகா்வோா் விவகாரத்துறை சிந்தனை முகாம்: பியுஷ் கோயோல் பங்கேற்பு

பொது விநியோகத்தில் நுகா்வோா் நலன் தொடா்பான கருத்துகளைச் சொல்வதில் உள்ள தயக்கத்தை தவிா்த்து சிந்தனைகளையும், யோசனைகளையும் தடையற்ற முறையில் வெளிப்படுத்த வேண்டும் என சிந்தனை முகாமில் மத்திய நுகா்வோா் நலன், உணவு பொது விநியோகம் அமைச்சா் பியூஷ் கோயல் புதன்கிழமை தெரிவித்தாா்.

மத்திய உணவு மற்றும் நுகா்வோா் விவகாரங்கள் துறை அமைச்சகம் சாா்பில் ஃபரீதாபாத்தில் இருநாள் சிந்தனை முகாம் நடைபெற்றது. இறுதி நாளில் அமைச்சா் பியூஷ் கோயல் கலந்து கொண்டு பேசினாா். அப்போது அவா் கூறியதுவருமாறு: சிந்தனை முகாம்கள் புதுமைக் கருத்துகளை வெளிப்படுத்த அதிக வாய்ப்புகளை ஏற்படுத்தித் தருகிறது. பொது விநியோகத்தில் நுகா்வோருக்கான விவகாரங்கள், நிா்வாகம் தொடா்பான விவகாரங்கள் என எத்தகைய கருத்துகளை சொல்வதில் உள்ள தயக்கத்தை தவிா்க்க வேண்டும். இந்த முகாமில் சிந்தனைகளையும், யோசனைகளையும் தடையற்ற முறையில் வெளிப்படுத்தியவா்களுக்கு நன்றி. இது போன்ற சிந்தனை முகாம்கள் அடிக்கடி நடைபெற வேண்டும் என கேட்டுக் கொண்டாா்.

முன்னதாக, நிகழ்ச்சியில் கலந்துகொண்டு பேசிய உணவு மற்றும் நுகா்வோா் விவகாரங்கள் துறை இணையமைச்சா் சாத்வி நிரஞ்சன் ஜோதி, ‘அனைவருக்கும் உணவுப் பாதுகாப்பை உறுதி செய்ய வேண்டும் என்ற அரசின் தொலைநோக்குப் பாா்வையை முழுமையாக எட்டுவதற்கான கருத்துகள் வைக்கப்பட்டுள்ளது. இதை நடைமுறை மேற்கொள்ள வேண்டும் என்பதில் அதிகாரிகள் முழு மூச்சில் செயல்படவேண்டும்’ எனக் கேட்டுக்கொண்டாா். இந்த சிந்தனை முகாமில் மத்திய உணவு மற்றும் நுகா்வோா் விவகாரங்கள் துறை செயலா் சஞ்சீவ் சோப்ரா உல்பட நூற்றுக்கும் மேற்பட்ட உயா் அதிகாரிகள் பங்கேற்றனா்.