கன்வாா் யாத்திரை: தில்லி, காஜியாபாத் போலீஸாா் ஒருங்கிணைப்புக் கூட்டம்

கன்வாா் யாத்திரியையொட்டி தில்லி மற்றும் காஜியாபாத் போலீஸாருடன் கௌதம் புத் நகா் சட்டம் மற்றும் ஒழுங்குக்கான காவல் துணை ஆணையா் ஷிவ் டஹரி மீனா ஒருங்கிணைப்புக் கூட்டத்தை நடத்தினாா்.

மேலும், மாநிலங்களுக்கு இடையேயான மற்றும் மாவட்டங்களுக்கு இடையேயான எல்லைகளில் ரோந்துப் பணியையும் மேற்கொண்டாா். பாதுகாப்பு ஏற்பாடுகள் மற்றும் தற்போதைய கன்வாா் யாத்திரை மற்றும் சவான் மாதத்திற்கான ஏற்பாடுகளை அவா் ஆய்வு செய்தாா்.

கௌதம் புத் நகா் காவல் துறையினா் பாதுகாப்பு ஏற்பாடுகளுக்காக தில்லி மற்றும் காஜியாபாத்தில் உள்ள காவலா்களுடன் ஒருங்கிணைப்பு கூட்டங்களையும் நடத்தினா். மத்திய நொய்டா காவல் சரக துணை ஆணையா் சுனிதி, போக்குவரத்து காவல் துறை துணை ஆணையா் யமுனா பிரசாத் மற்றும் காவல் துணை ஆணையா் அனில் யாதவ் ஆகியோருடன் காளிந்தி குஞ்ச், சில்லா பாா்டா், லால் குவான் மற்றும் நொய்டா மண்டலத்தின் முக்கிய இடங்களில் பாதுகாப்பு ஏற்பாடுகளை நொய்டா காவல் சரக துணை ஆணையா் ராம் பதன் சிங் மதிப்பீடு செய்தாா்.

மூத்த அதிகாரிகளுடன் நாசவேலை எதிா்ப்பு, வெடிகுண்டு செயலிழப்பு படைகள் மற்றும் உள்ளூா் புலனாய்வு பிரிவு அதிகாரிகள் கூட்டத்தில் பங்கேற்றனா். ‘கன்வாா் யாத்திரையின் போது அனைத்து சிவ பக்தா்களுக்கும் பாதுகாப்பான மற்றும் சுமுகமான பயணத்தை உறுதி செய்வதே எங்கள் முன்னுரிமை’ என்று ஷிவ் ஹரி மீனா கூறினாா். இந்த மதிப்பாய்வில் யாத்ரீகா்களுக்கு இடையூறு இல்லாத பாதையை உறுதி செய்வதற்காக போக்குவரத்து கட்டுப்பாட்டு நடவடிக்கைகளை கண்காணிப்பதும் உள்ளடங்கியது.

பின்னா், அவா் செய்தியாளா்களிடம் கூறியதாவது: கன்வாா் யாத்திரைக்கான பல அடுக்கு ஏற்பாடுகளை கௌதம் புத் நகா் போலீஸாா் செய்துள்ளனா். நாங்கள் எல்லையோர மாநிலங்கள் மற்றும் அண்டை மாவட்டங்களின் காவல் துறையினருடன் ஒருங்கிணைப்பு கூட்டங்களை நடத்தியுள்ளோம். காவல்துறையினா் நடைபயணம் மேற்கொண்டு நிலைமையை ஆய்வு செய்தனா்.

நாங்கள் காஜியாபாத் காவல்துறை மற்றும் தில்லி காவல்துறையுடன் ஒருங்கிணைப்பு கூட்டங்களை நடத்தினோம். நாசவேலை எதிா்ப்பு அமைப்பு, வெடிகுண்டு செயலிழக்கும் படைகள், உள்ளூா் புலனாய்வுக் குழுவின் சோதனைகள் அனைத்தும் முறையான சட்டம் மற்றும் ஒழுங்கு ஏற்பாடுகளை உறுதிப்படுத்துவதற்காக செய்யப்படுகின்றன என்று அவா் மேலும் கூறினாா்.

இதற்கிடையே, தில்லி அரசு சாா்பில் கஷ்மீரி கேட் பகுதியில் அமைக்கப்பட்டுள்ள கன்வாா் மையத்தை பொதுப்பணித் துறை அமைச்சா் அதிஷி புதன்கிழமை பாா்வையிட்டு ஆய்வு செய்தாா். கன்வாா் யாத்திரீகா்களுக்கு செய்யப்பட்டுள்ள ஏற்பாடுகள் குறித்து அதிகாரிகளிடம் அவா் கேட்டறிந்தாா்.